Fana: At a Speed of Life!

ኢትዮጵያ፣ ሱዳንና ግብጽ የሦስትዮሽ ውይይት አካሄዱ

አዲስ አበባ፣ የካቲት 3፣ 2011 (ኤፍ.ቢ.ሲ) ኢትዮጵያ፣ ሱዳንና ግብጽ በጠቅላይ ሚኒስቴር ጽህፈት ቤት ዛሬ ማለዳ የሦስትዮሽ ውይይት አካሄዱ።

በውይይቱ ላይ የኢፌዴሪ ጠቅላይ ሚኒስትር ዶክተር አብይ አህመድ፣ የሱዳኑ ፕሬዚዳንት ኦመር ሐሰን አልበሽር እና የግብጹ ፕሬዚዳንት አብድልፈታ ኤልሰሲ ናቸው የተገኙት።

የጠቅላይ ሚኒስቴር ጽህፈት ቤት እንዳስታወቀው ከሆነ ውይይቱ በሶስት ሀገራት የጋራ ትብብርና ፍላጎት ላይ ያተኮረ እንደነበር ገልጿል።

በውይይቱ ላይ ከሀገራቱ መሪዎች በተጨማሪ የሦስቱ ሀገራት ከፍተኛ ባለስልጣናት ተገኝተዋል።

ውይይቱን ከአፍሪካ ህብረት 32ኛ መደበኛ ስብሰባ ጎን ለጎን ነው ያካሄዱት።

ይህ ውይይት ጠቅላይ ሚኒስትር ዶክተር አብይ አህመድ ወደ ስልጣን ከመጡ በኋላ ያደረጉት የመጀመሪያው የሦስትዮሽ ውይይት ነው።

 

በአብርሃም ፈቀደ

You might also like
Comments
Loading...