Fana: At a Speed of Life!

አፍሪካውያን ተንከባካቢ ለሌላቸው ህጻናትና አረጋውያን ትኩረት ሰጥተው ሊሰሩ ይገባል – ቀዳማዊት እመቤት ወ/ሮ ዝናሽ ታያቸው

አዲስ አበባ ፣ የካቲት 4 ፣ 2011 (ኤፍ ቢ ሲ) አፍሪካውያን ተንከባካቢ ለሌላቸው ህጻናትና አረጋውያን ትኩረት ሰጥተው ሊሰሩ እንደሚገባ ቀዳማዊት እመቤት ወይዘሮ ዝናሽ ታያቸው ተናገሩ።

የአፍሪካ ቀዳማዊት እመቤቶች ጉባኤ እየተካሄደ ነው።

በጉባኤው ላይ ንግግር ያደረጉት ቀዳማዊት እመቤቷ አፍሪካውያን ተጋላጭ ለሆኑ ዜጎች ትኩረት በመስጠት ሊሰሩ ይገባል ብለዋል።

ቀዳማዊት እመቤቷ በአፍሪካ በአሁኑ ወቅት በየአካባቢው ረዳት ያጡ ህጻናትና አረጋውያንን መኖራቸውን ጠቅሰው፥ የእነዚህን ችግር ለመፍታት የእናትነት ፍቅር በመስጠት ልንደርስላቸው ይገባልም ነው ያሉት።

አመቱም የፍቅርና የመስጠት አመት ሆኖ እንዲጠናቀቅ ምኞታቸው መሆኑንም ገልጸዋል።

አሁን ላይም በኢትዮጵያ ለአካል ጉዳተኞች፣ ረዳት ለሌላቸው አረጋውያንና ህጻናት የተለያየ ድጋፍ እየተደረገ መሆኑን ተናግረዋል።

ከዚህ ባለፈም በኢትዮጵያ 22 ትምህርት ቤቶችን ለመገንባት መታቀዱን ጠቁመው፥ እስካሁን የ15ቱ ግንባታ መጀመሩንም ነው የተናገሩት።

የቀዳማዊት እመቤቶች ጉባኤ አፍሪካን ለመለወጥ በተለይ ተጋላጭ ለሆኑ ዜጎች ትኩረት መስጠት በሚል መሪ ቃል ነው እየተካሄደ ያለው።

 

 

በስላባት ማናዬ

 

You might also like
Comments
Loading...