Fana: At a Speed of Life!

አንድ ራቫ 4 መኪናና ከ1 ነጥብ 2 ሚሊየን ብር በላይ የሚገመት የኮንትሮባንድ ዕቃ በቁጥጥር ስር ዋለ

አዲስ አበባ፣ጥር 30፣2011 (ኤፍ ቢ ሲ) አንድ ራቫ 4 መኪና እና ከ1ነጥብ 2 ሚሊየን ብር በላይ የሚገመት የኮንትሮባንድ ዕቃ በቁጥጥር ስር መዋሉ ተገለፀ።

በወልዲያ ኬላ በተደረገ  ቁጥጥር  አንድ ራቫ 4 መኪና እና 1 ሚሊየን  287 ሺህ 800 ብር  የሚገመት የኮንትሮባንድ ዕቃ በቁጥጥር ስር መዋሉን የገቢዎች ሚኒስቴር አስታውቋል።

ከተያዙት የኮንትሮባንድ ዕቃዎች ውስጥም 1 ሚሊየን 87 ሺህ 800 ብር የሚገመቱ የሺሻ ዕቃዎች መሆናቸው ነው የተገለፀው።

ከዚህ ባለፈም በሀሰተኛ መረጃ ከትራንስፖርት ባለስልጣን የታርጋ ቁጠር ሊወስድ የነበረ ተጠርጣሪ በህብረተሰቡ ጥቆማ ከነራቫ4 መኪናውና በመኪናው ውስጥ ከነበረ 200 ሺህ ብር ጋር በቁጥጥር ስር ውሏል።

የገቢዎች ሚኒስቴር በጀመረው ንቅናቄ ህገወጥ የሆኑ እቃዎችና የተለያዩ ገንዘቦችን በተለያዩ ጣቢያች በቁጥጥር ስር እያዋለ ይገኛል ።

ንቅናቄው ይበልጥ ውጤታማ እንዲሆንም ህብረተሰቡ ኮንትሮባንድና ህገ ወጥነትን በመከላከሉ ረገድ እያደረገ ያለውን ጥቆማና ሁለንተናዊ ተሳትፎ አጠናክሮ እንዲቀጥል የገቢዎች ሚስቴር ሚኒስትር ወ/ሮ አዳነች አቤቤ ጥሪ አቅርበዋል ።

 

You might also like
Comments
Loading...