Fana: At a Speed of Life!

አትሌት ገንዘቤ ዲባባ በስፔን በተደረገ የ1500 ሜትር የቤት ውስጥ ውድድር አሸነፈች

አዲስ አበባ፣ ጥር 30፣ 2011 (ኤፍ.ቢ.ሲ) አትሌት ገንዘቤ ዲባባ በስፔን የተደረገ የ1500 ሜትር የቤት ውስጥ ውድድርን በአንደኝነት አጠናቃለች።

የስፔን ሳባዴል የቤት ውስጥ የአትሌቲክስ ውድድር በትናትናው እለት ተካሂዷል።

በውድድሩ ላይም በሴቶች 1500 ሜትር እና በ800 ሜትር ኢትዮጵያውያን አትሌቶች ድል ቀንቷቸዋል።

በሴቶች 1500 ሜትር በተካሄደው ውድድር አትሌት ገንዘቤ ዲባባ ውድድሩን 3 ደቂቃ ከ59 ሰከንድ ከ08 ማይክሮ ሰከንድ በመግባት በአንደኝነት አጠናቃለች።

ሌላኛዋ ኢትዮጵያዊት አትሌት ለምለም ሀይሉ 4 ደቂቃ፣ ከ08 ሰከንድ ከ90 ማይክሮ ሰከንድ በመግባት 2ኛ ደረጃ በመያዝ ስታጠናቅቅ፤ ቤላሩሳዊቷ አትሌት ዳሪያ ብራይሴቪች 4 ደቂቃ፣ ከ10 ሰከንድ ከ07 በሁነ ሰዓት 3ኛ ደረጃን ይዛ ውደድሩን አጠናቃለች።

በሴቶች 800 ሜትር በተካሄደ የሩጫ ውድድር ደግሞ ኢትዮጵያዊቷ አትሌት ማህሌት ሙሉጌታ በ2 ደቂቃ ከ02 ሰከንድ ከ18 ማይክሮ ሰከንድ ውደድሩን 3ኛ ደረጃ ይዛ ስታጠናቅቅ አትሌት ፍሬወይኒ ሀይሉ ደግሞ በ2 ደቂቃ ከ05 ሰከንድ፣ ከ19 ማይክሮ ሰከንድ 6ኛ ደረጃን በመያዝ ውድድሩን አጠናቃለች።

 

You might also like
Comments
Loading...