Fana: At a Speed of Life!

አብቁተ ለፋሲል ከነማ የ900 ሺህ ብር ድጋፍ አደረገ

አዲስ አበባ፣ ጥር 29፣ 2011 (ኤፍ.ቢ.ሲ) የአማራ ክልል ብድርና ቁጠባ ተቋም /አብቁተ/ ለፋሲል ከነማ የእግር ኳስ ክለብ የ900 ሺህ ብር ድጋፍ አደረገ።

የተቋሙ ዋና ስራ አስፈጻሚ አቶ መኮንን የለምወሰን፥ ለክለቡ ተወካይ ለአቶ ዘውዱ በላይ ቼኩን አስረክበዋል።

በርክክቡ ወቅት ዋና ስራ አስፈጻሚው ድጋፉ በዚህ እንደማያቆምና ቀጣይነት እንዳለውም ገልጸዋል።

የክለቡ ተወካይ የሆኑት አቶ ዘውዱ በበኩላቸው የተበረከተውን ድጋፍ ተከትሎ ለአብቁተ ምስጋናቸውን ገልጸዋል።

ዋና ስራ አስፈጻሚው ከፋሲል ከነማና ከባህርዳር ከነማ ዋንጫ እንደሚጠብቁ ጠቅሰው፥ ዋንጫ ለሚያመጣ ቡድንም የ10 ሚሊየን ብር ሽልማት መዘጋጀቱንም አንስተዋል።

ከዚህ ቀደም አብቁተ ለፋሲል ከነማ መቶ ሺህ ብር ለባህርዳር ከነማ 1 ሚሊየን ብር ድጋፍ ማድረጉን አስታውሰዋል።

 

በናትናኤል ጥጋቡ

 

 

You might also like
Comments
Loading...