Fana: At a Speed of Life!

5 ሚሊየን ዛፎችን የተከሉት አዛውንት ከዚህ ዓለም በሞት ተለይተዋል

አዲስ አበባ፣ጥር 24፣2011 (ኤፍ.ቢ.ሲ) በህንድ ቪሽዌሽዋር ሳክላኒ የሚባሉ አዛውንት በህይወት ዘመናቸው 5 ሚሊየን የሚሆኑ ዛፎች መትከላቸው ተነግሯል።

ለዛፎች ልዩ ፍቅር እንዳላቸው የሚነገርላቸው አዛውንቱ የስምንት ዓመት እድሜ ህፃን እያሉ ዛፍ መትከል መጀመራቸው ተገልጿል።

አዛውንቱ በዚህ ድርጊታቸው ቀጥለውበት በ120 ሄክታር መሬት ላይ 5 ሚሊየን የሚሆኑ ዛፎችን ተክለው በመንከባከብ ማሳደጋቸው ይነገራል።

በዚህም በአካባቢው የነበረውን የተራቆተ መሬት በደን እንዲሸፈን በማድረግ የአካባቢውን ምህዳር መቀየር መቻላቸው ነው የተገለፀው።

በዚህ ሰናይ ምግባራቸውም የዛፎች አባት የሚል መጠሪያ ተሰጥቷቸዋል።

ዛፎችን በመትከል ልዩ ፍቅር የነበራቸው አዛውንት ባለፈው ሳምንት ከዚህ ዓለም በሞት መለየታቸው ተሰምቷል።

አዛውንቱ የ9 ልጆች አባት እና የ 5 ሚሊየን ዛፎች አሳዳጊና ተንከባካቢም ነበሩ።

 

ምንጭ ፦ ዩናይትድ ፕረስ ኢንተርናሽናል

You might also like
Comments
Loading...