Fana: At a Speed of Life!

አሜሪካ ኢትዮጵያ ለምታከናውነው የጤና ለሁሉም ፕሮግራም የ40 ሚሊየን ዶላር ድጋፍ ይፋ አደረገች

አዲስ አበባ፣ የካቲት 7፣ 2011 (ኤፍ.ቢ.ሲ) አሜሪካ ኢትዮጵያ ለምታከናውነው የጤና ለሁሉም ፕሮግራም የ40 ሚሊየን ዶላር ድጋፍ ይፋ አደረገች፡፡

አሜሪካ ኢትዮጵያ እያከናዎነችው ለሚገኘው የጤና ለሁሉም ፕሮግራም የ40 ሚሊየን ዶላር ድጋፍ በዛሬው ዕለት ይፋ ማደረጓ ተነግሯል፡፡

ድጋፉ ለሚቀጥሉት አምስት ዓመታት ቀጣይነት እንዳለው የተገለጸ ሲሆን÷ ኢትዮጵያ ጥራት ያለው መሰረታዊ የጤና አገልግሎት ለዜጎቿ ለማዳረስ ለምታከናውናቸው ተግባራት አገልግሎት ላይ ይውላል ተብሏል፡፡

ለዚህም የአሜሪካው ዓለም ዓቀፍ የልማት ድርጅት (USAID) በኢትዮጵያ የዘርፉን ፖሊሲ በማጠናከር እና የፋይናንስ አሰራር ማሻሻያዎች ዙሪያ ከኢፌዴሪ ጤና ጥበቃ ሚኒስቴር ጋር አብሮ እንደሚሰራም ነው የተገለጸው፡፡

በኢትዮጵያ በማህበራዊ ጤና መድህን ፕሮግራም ቀደም ሲል በሰራቸው ስራዎች ውጤታማ እንደሆነ የተነገረለት የአሜሪካው ዓለም ዓቀፍ ልማት ድርጅት አሁን ላይ ለ20 ሚሊየን ኢትዮጵያአዊያን የማህበራዊ ጤና መድህን ዋስትና ድጋፍ እያደረገ እንደሚገኝም ነው የተገለጸው፡፡

ለሚቀጥሉት አምስት ዓመታት ተግባራዊ እንደሚደረግ የተገለጸው አዲሱ ፕሮግራምም ለጤናው ዘርፍ አገልግሎት የሀገር ውስጥ ሀብትን በመጠቀም፣ የጤና መድህን ዋስትናን በማስፋፋት ላይ ትኩረቱን እንደሚያደርግም ነው የተነገረው፡፡

የጤና ፋይናንስ እጥረትን በመቅረፍ ቀጣይነት ያለውና አስተማማኝ መሰረታዊ የጤና አገልግሎት ለዜጎቹ ለማዳረስ የሚያስችል መሆኑንም በኢትዮጵያ የአሜሪካ ኤምባሲ የሰጠው መግለጫ ያመለክታል፡፡

 

You might also like
Comments
Loading...