Fana: At a Speed of Life!

ችግር ፈቺ ቴክኖሎጂ ነክ የፈጠራ ስራዎች ውድድር በሀገር ሀቀፍ ደረጃ ተጀምሯል

አዲስ አበባ፣ ጥር 27፣ 2011 (ኤፍ.ቢ.ሲ) በሀገር አቀፍ ደረጃ ችግር ፈቺ የሆኑ ቴክኖሎጂ ነክ የፈጠራ ስራዎች ውድድር በአዲስ አበባ መካሄድ ጀምሯል።

ውድድሩን የአሜሪካ ኤምባሲ ለሁለተኛ ጊዜ ያዘጋጀው ሲሆን፥ “ሶልቭ ኢት” እየተባለ ይጠራል።

ኤምባሲው ውድድሩን ከኢኖቬሽንና ቴክኖሎጂ ሚኒስቴር፣ ከጃፓን ኮኦፐሬቲቭ ኤጀንሲ እና ከአይኮግ ላብ ጋር በመተባር ነው ይፋ ያደረገው፡፡

ፕሮጀክቱ በመላ ሀገሪቱ በሚገኙ 15 ከተሞች እንደሚካሄድ ይጠበቃል።

ከውድድሩ ጎን ለጎንም የፈጠራ ባላሙያዎቹ ስራዎቻቸውን ሊያዳብር የሚችል ስልጠና በየከተሞቹ የሚሰጣቸው ሲሆን ለአሸናፊዎችም ሽልማት ተዘጋጅቷል።

ፕሮጀክቱን የአሜሪካ ኤምባሲና የጃፓን ኮኦፕሬቲቭ ኤጀንሲ በገንዘብ ይደግፉታል፡፡

የኢኖቬሽንና ቴክኖሎጂ ሚኒስቴር በፕሮጀክቱ ተመርጠው የመጡ የፈጠራ ስራዎች ገበያውን እንዲቀላቀሉ ማበልፀጊያ ማዕከላት መገንባትና የገንዘብ ድጎማን ጨምሮ የተለያዩ ድጋፎችን እንደሚያደርግ ማስታወቁን ከሚኒስቴሩ ያገኘነው መረጃ ያመለክታል።

 

በአብርሃም ፈቀደ

You might also like
Comments
Loading...