Fana: At a Speed of Life!

ቻይና ከ50 በላይ መንኮራኩሮችን ወደ ህዋ ልታመጥቅ ነው

አዲስ አበባ፣ጥር 24፣2011 (ኤፍ.ቢ.ሲ) ቻይና በያዝነው የፈረንጆች ዓመት ከ50 በላይ መንኮራኩሮችን ወደ ህዋ እንደምታመጥቅ አስታወቀች።

መንኮራኩሮችን ወደ ህዋ በተሳካ ሁኔታ ለመላክም የተለያዩ ቅድመ ዝግጅቶች መከናወናቸው ነው የተገለፀው።

በዚህ መሰረትም መንኮራኩሮችን ወደ ህዋ ለመላክ 30 የማምጠቅ ስነ ስርዓት የሚከናወን መሆኑን የሃገሪቱ የህዋ ሳይንስና ቴክኖሎጅ ተቋም  ምክትል ስራ አስኪያጅ ያንግ ባኦሁ ተናግረዋል።

ይህም ቻይና በህዋ ላይ የምታደርገውን ምርምር እና ጥናት በሚፈለገው መጠን ለማሳደግ ታልሞ የተዘጋጀ መሆኑ ነው የተገለፀው።

በመጀመሪያ ወደ ህዋ የሚላኩ ሳተላይቶች በጨረቃ ቅርብ ርቀት ላይ እንዲያርፉ በማድረግ በአካባቢው ያለውን ተፈጥሯዊ ክስተት በምስል እንዲያስቀሩ ይደረጋል ነው የተባለው ።

በቀጣይ የሚላኩ ሳተላይቶችም በጠፈር በሚኖራቸው ቆይታ በጨረቃ ዙሪያና በሌሎች ፕላኔቶች  የሚታዩ ተፈጥሯዊ ዕውነታዎችን ናሙና በምስል አስደግፈው ወደ መሬት ይመለሳሉ ተብሎ ይጠበቃል ።

በእነዚህ መንኮራኩሮች የሚመጣው ናሙናም ከዚህ በፊት ከተገኘኙ ምስሎች ጋር በማቀናጀት ያለውን ሳይንሳዊ እውነታ በቤተ ሙከራ በመታገዝ ሳይንሳዊ ጥናት የሚደረግ መሆኑ ተገልጿል።

ቻይና በቅርቡ ቻንግ ኢ-4 የተሰኘች ሰው አልባ መንኮራኩር በጨረቃ ሩቅ ርቅት ላይ በሚገኘው ጨለማ ክፍል ላይ ማሳረፏ ይታወሳል።

መንኮራኩሯ ከቦታው ላይ ካረፈች በኋለም የጨረቃን ጨለማ ክፍል የሚያሳዩ ምስሎችን ወደ መሬት የላከች መሆኑ በዘገባው ተመላክቷል።

 

ምንጭ ፦ሲ ጂ ቲ ኤን

You might also like
Comments
Loading...