Fana: At a Speed of Life!

ቶኪዮ 5 ሺህ ኦሎምፒክ ሜዳሊያዎችን ከወዳደቁ የኤሌክትሮኒክስ መሳሪያዎች ልትሰራ ነው

አዲስ አበባ፣ የካቲት 20፣ 2011 (ኤፍ.ቢ.ሲ) በአውሮፓውያኑ 2020 የሚካሄደውን ኦሎምፒክ የምታስተናግደው የጃፓኗ ቶኪዮ አዳዲስ ነገሮችን ይዛ ለመምጣት ዝግጅት እያደረገች መሆኑ ተነግሯል።

ቶኪዮ ለ2020 ለማቅረብ ካሰበቻቸው ውስጥ ደግሞ ለኦሎምፒክ እና ለፓራ ኦሎምፒክ ተወዳዳሪዎችን ሽልማት አገልግሎት መስጠት ካቆሙ የኤሌክትሮኒክስ መገልገያዎች የተሰሩ ሜዳሊያዎች ናቸው።

የ2020 ቶኪዮ ኦሎምፒክ የሜዳሊያ ፕሮጀክት ሜዳሊያዎቹን ለመስራት የሚያስፈልገውን 30 ነጥብ 3 ኪሎ ግራም ወርቅ፣ 4 ሺህ 100 ኪሎ ግራም ብር እና 2 ሺህ 700 ኪሎ ግራም ነሃስ እስከ መጋቢት ወር ለመሰብሰብ አቅዶ እየሰራ ይገኛል።

እንደ አዘጋጆቹ ገለጻ ለሜዳሊያዎቹ ስራም እስካሁን 47 ሺህ 488 ቶን አገልግሎት መስጠት አቁመው የተወገዱ የኤሌክትሮኒክስ መሳሪያዎችን የማሰባሰብ ስራ ተሰርቷል።

ከዚህ በተጨማሪም 5 ሚሊየን አገልግሎት የሰጡ የተለያዩ አይነት የሞባይል ስልክ ቀፎዎችን መሰብሰቡንም ገልጿል።

ምንጭ፦ CGTN

You might also like
Comments
Loading...