Fana: At a Speed of Life!

ቱርክ ቻይና በሀገሯ የሚገኙ የእስልምና እምነት ተከታዮችን ሰብዓዊ አያያዝ እንድታሻሽል ጠየቀች

አዲስ አበባ፣የካቲት 3፣2011 (ኤፍ ቢሲ) ቱርክ ቻይና በሀገሯ የሚገኙ የእስልምና እምነት ተከታዮችን ሰብዓዊ መብት አያያዝ እንድታሻሽል ጥሪ አቀረበች።

ቱርክ ቻይና በሀገሪቱ ዢንጂያንግ ግዛት የሚገኙ ኡግሃር የተሰኙ የእስልምና እምነት ተከታይ ጎሳዎች ላይ የምትፈፅመውን ኢ -ሰብዓዊ ድርጊት እንድታቆም ጠይቃለች።

የቱርክ የውጭ ጉዳይ ሚኒስቴር ቃል አቀባይ ሃሚ አክሶይ ጉዳዩን አስመልክተው ባዛሬው ዕለት ጋዜጣዊ መግለጫ ሰጥተዋል።

ቃል አቀባዩ በመግለጫቸው ቻይና ኡግሃር በተሰኙ የእስልማና እምነት ተከታይ ዜጎች ላይ የምትፈፅመውን ኢ- ሰብዓዊ ድርጊት አውግዘዋል።

በአካባቢው ከሚገኙ የእስልምና እምነት ተከታይ ማህበረሰቦች ውስጥም 1 ሚሊየን የሚሆኑ ዜጎች ያለ በቂ ምክንያት መታሰራቸውን ተናግረዋል።

በእነዚህ እስር ላይ በሚገኙ ዜጎች ላይም ከፍተኛ የሆነ የሰብዓዊ መብት ጥሰት እየተፈፀመባቸው መሆኑን ሃሚ አክሶይ ገልፀዋል።

ስለሆነም ቱርክ ቻይና በአካባቢው የሚገኘውን የማሰቃያ እስር ቤት በመዝጋት በዜጎች ላይ የሚፈፀመውን ኢ -ሰብዓዊ ድርጊት ታቆም ዘንድ አሳስባለች።

ምንጭ ፦አልጀዚራ

You might also like
Comments
Loading...