Fana: At a Speed of Life!

ተመድ አሜሪካ በቬንዚዌላ ሰብዓዊ እርዳታ ስም የምታደርገውን የፖለቲካ ጣልቃ ገብነት እንድታቆም አስጠነቀቀ

አዲስ አበባ፣ጥር 30፣201 (ኤፍ ቢ ሲ) የተባበሩት መንግስታት ድርጅት አሜሪካ በሰብዓዊ እርዳታ ስም በቬንዚዌላ መንግስት ላይ የምታደርገውን የፖለቲካ ጣልቃ ገብነት እንድታቆም አስጠነቀቀ።

ይህ የተባለውም አሜሪካ  ወደ ቬንዚዌላ የላከቻቸው ምግብና የተለያዩ መድሃኒቶችን የጫኑ መኪናዎች  በመንግስት ወታደሮች ወደ ሀገር እንዳይገቡ ታገዱብኝ በሚል ቅሬታ ማሰማቷን ተከትሎ ነው ተብሏል።

አሜሪካ የሰብዓዊ እርዳታውን የላከችውም እራሱን የሽግግር መንግስት በማድረግ የሰየመው ሁዋን ጓይዶ ባቀረበው የእርዳት ጥሪ መሰረት  መሆኑ ነው የተገለፀው።

የተመድ ቃል አቀባይ ስቴፓኔ ዱጃሪክ  ጉዳዩን አስመልክቶ በሰጡት መግለጫ የሰብዓዊ እርዳታ  ከማንኛውም የፖለቲካ  ጉዳይ ነፃ መሆኑን በአንክሮ ተናግረዋል ።

ስለሆነም ሀገራት በሰብዓዊ እርዳታ ስም የሚያደርጉትን  የፖለቲካ ጣልቃ ገብነት እንዲያቆሙ አሳስበዋል።

የሽግግሩን መንግስት የሚደግፉ ሀገራት የቬኒዚዌላ ዜጎች ለተለያዩ ሰብዓዊ ቀውስ መጋለጣቸውን በመጥቀስ  የሰብዓዊ እርዳታ የሚያስፈልጋቸው መሆኑን ይናገራሉ።

የማዱሮ አስተዳደር  በበኩሉ በሀገሪቱ የተለያዩ የኢኮኖሚ ችግሮች  ከመኖራቸው ውጭ ምንም ዓይነት የሰብዓዊ ቀውስ አለመከሰቱን አስተባብሏል።

You might also like
Comments
Loading...