Fana: At a Speed of Life!

በፕሪምየር ሊጉ መሪው ቅዱስ ጊዮርጊስ ሽንፈትን አስተናገደ

አዲስ አበባ፣የካቲት3፣2011(ኤፍ ቢ ሲ)የኢትዮጵያ ፕሪምየር ሊግ አስራ አምስተኛ ሳምንት ጨዋታዎች በተለያዩ የክልል ከተማዎች ተካሂደዋል ።

በዛሬው ዕለት በተካሄዱት ጨዋታዎችም መሪው ቅዱስ ጊዮርጊስ ሽንፈትን ሲያስተናግድ ፥ ወላይታ ድቻ እና ሀዋሳ ከተማ ድል ቀንቷቸዋል።

በዚህ መሰረትም ቅዱስ ጊዮርጊስን ሶዶ ላይ ያስተናገደው ወላይታ ድቻ 2 ለ 0 በሆነ ውጤት አሸንፏል ።

የወላይታ ድቻን የማሸነፊያ ግቦች ቸርነት ጉግሳ ጨዋታው በተጀመረ በ22ኛው ደቂቃ ላይ ሲያስቆጥር፥ ፀጋዬ አበራ ደግሞ በ72ኛው ደቂቃ ኳስን ከመረብ አገናኝቷል።

በሌላ በኩል መቐለ ላይ በተደረገ ጨዋታ ሀዋሳ ከተማ ደደቢትን 1 ለ 0 በሆነ ውጤት አሸንፏል።

ብቸኛዋን የሃዋሳ ከተማ የማሸነፊያ ግብም ደስታ ዮሃንስ በ30ኛው ደቂቃ ላይ አስቆጥሯል።

ባህር ዳር ከተማ እና አዳማ ከነማ በባህርዳር ዓለም አቀፍ ስቴዲየም ያደረጉት ጨዋታ ደግሞ ያለምንም ግብ ተጠናቋል ።

You might also like
Comments
Loading...