Fana: At a Speed of Life!

በፕሪሚየር ሊጉ ፋሲል ከነማ ድል ሲቀናው ጅማ አባ ጅፋር በሰፊ የጎል ልዩነት ተሸንፏል

አዲስ አበባ ፣ የካቲት 4 ፣ 2011 (ኤፍ ቢ ሲ) የኢትዮጵያ ፕሪሚየር ሊግ 15ኛ ሳምንት ጨዋታዎች ዛሬ በተለያዩ ከተሞች ተደርገዋል።

ጎንደር ላይ ስሑል ሽረን ያስተናገደው ፋሲል ከነማ በሱራፌል ዳኛቸው ሁለት ጎሎች እና ኢዙ አዙካ ጎል 3 ለ 0 አሸንፏል።

ጅማ አባ ጅፋርን ያስተናገደው ደቡብ ፖሊስ ደግሞ በሰፊ የጎል ልዩነት ማሸነፍ ችሏል።

ጨዋታውን ደቡብ ፖሊስ 6 ለ 1 ሲያሸንፍ፥ የተሻ ግዛው፣ ዘላለም ኢሳያስ እና ሄኖክ አየለ ሁለት ሁለት ጎሎችን አስቆጥረዋል።

አስቻለው ግርማ ደግሞ የጅማ አባ ጅፋርን ማስተዛዘኛ ጎል አስቆጥሯል።

ወልዋሎ ከሲዳማ ቡና ያደረጉት ጨዋታ ደግሞ ያለምንም ጎል በአቻ ውጤት ተጠናቋል።

ፕሪሚየር ሊጉ ነገም ሲቀጥል ድሬዳዋ ላይ ድሬዳዋ ከመቐለ፥ አዲስ አበባ ላይ ደግሞ መከላከያ ከኢትዮጵያ ቡና ይጫወታሉ።

ፕሪሚየር ሊጉን ቅዱስ ጊዮርጊስ፣ መቐለ 70 እንደርታ እና ሲዳማ ቡና በእኩል 26 ነጥብ ከ1ኛ እስከ 3ኛ ያለውን ደረጃ ይዘው ይመሩታል።

ደደቢት፣ ስሑል ሽረ እና ደቡብ ፖሊስ ደግሞ በደረጃው ግርጌ ላይ ይገኛሉ።

 

 

You might also like
Comments
Loading...