Fana: At a Speed of Life!

በደቡብ አፍሪካ በድንጋይ ከሰል ማውጫ በተከሰተ ፍንዳታ የስድስት ሰዎች ሕይወት አለፈ

አዲስ አበባ፣ ጥር 30፣ 2011(ኤፍ.ቢ.ሲ) በደቡብ አፍሪካ በድንጋይ ከሰል ማውጫ በተከሰተ ፍንዳታ የስድስት ሰዎች ሕይወት አለፈ፡፡

በደቡብ አፍሪካ ከፕሪቶሪያ ከተማ በስተምስራቅ ሚድል በርግ ውስጥ የሚገኝ ግሎሪያ በተባለ የድናጋይ ከሰል ማውጫ በተከሰተ የጋዝ መስመር ፍንዳታ የስድስት ሰዎች ሕይወት ሲያለፍ 20 ሰዎች ጉድጓድ ውስጥ መታፈናቸው ተነግሯል፡፡

የሃገሪቱ ፖሊስ ቃል አቀባይ እንደገልጸው ሰዎቹ ለዚህ አደጋ የተጋለጡት ከማዕድን ማውጫው የመዳብ ሽቦ ለመስረቅ ወደ ድንጋይ ከሰል ማውጫው በገቡበት ወቅት የጋዝ መስመር በመፈንዳቱ ነው፡፡

ጉድጓድ ውስጥ ለታፈኑት ሰዎች ኦክስጅን መስጠቱ አስፈላጊ እንደሆነ ቢታወቅም÷ ለዚሁ ተግባር የሚውሉ ግብዓቶች እስካሁን አደጋው የተከሰተበት ቦታ ያለመድረሳቸው ታውቋል፡፡

የማዕድን ማውጫው ከሙስናና ብልሹ አሰራር ጋር በተያያዘ ተዘግቶ የነበር መሆኑም ተነግሯል፡፡

በደቡብ አፍሪካ የማዕድን ማውጫዎች ተደጋጋሚ አደጋዎች እየተከሰቱ ሲሆን÷እንደ አውሮፓዊያኑ አቆጣጠር በ2017 ዓ.ም 80 አደጋዎች መመዝገባቸውን ዘገባው አስታውሷል፡፡

ባሳላፍነው የፈረንጆቹ ዓመትም በአንድ ወርቅ ማውጫ ቦታ የኃይል መቋረጥ ተከትሎ 955 ሰዎች ለሁለት ቀናት ያህል ጉድጓድ ውስጥ መቆየታቸውን ዘገባው ያስረዳል፡፡

ምንጭ፡- ቢ ቢ ሲ

You might also like
Comments
Loading...