Fana: At a Speed of Life!

በካማሽና በምዕራብ ወለጋ ዞን አካባቢዎች ተከስቶ የነበረውን አለመረጋጋት በዘላቂነት ለማስወገድ የሚያስችል የሰላም ኮንፈረንስ ተካሄደ

አዲስ አበባ፣የካቲት 5፣2011 (ኤፍ ቢ ሲ) በቤኒሻንጉል ጉሙዝ ክልል ካማሽና በምዕራብ ወለጋ ዞን አካባቢዎች ተፈጥሮ የነበረውን አለመረጋጋት በዘላቂነት ለመስወገድ የሚያስችል የህዝብ ለህዝብ የሰላም ኮንፈረንስ ተካሄደ።

የሰላም ሞንፈረንሱ በምራዕብ ወለጋ ዞን ቦጂ ድርመጂ ወረዳ ጊዳአኖ ኪንጊ ቀበሌ ልዩ ስሙ ካማሽ መገንጠያ የሁለቱ ክልል አዋሳኝ ቦታ ላይ የተካሄደ መሆኑ ነው የተገለፀው።

በኮንፈረንሱም ከ 1ሺህ በላይ የሚሆኑ ከሁለቱም ክልሎች አዋሳኝ ወረዳና ቀበሌዎች የተውጣጡ የሀገር ሽማግሌዎች፣ አባ ገዳዎች፣ የሃይማኖት አባቶችና የተለያዩ የህብረተሰብ ክፍሎች ተገኝተዋል ።

በዚህ የሰላም ኮንፈረንስም በሀገር ሽማግሌዎችና አባገዳዎች አማካኝነት ከሁለቱም ክልሎች ከካማሽ ዞን ካማሽና አጋሎ ሚጢ ወረዳ እና ከምራብ ወለጋ ዞን ለታሲቡ ፣ ነጆ፣ ቦጂ ድርመጂ፣ ላሎ አሳቢና ጊንቢ ወረዳዎች  መካከል  የእርቅ ሰነ ስርዓት ተፈፅሟል።

በዚህ ወቅትም በሁለቱ ክልል ህዝቦች መካከል ሰላም ለማስፈን የወንድማማችነት ስሜትን አጠናክሮ በማስቀጠልና በልማት በማስተሳሰር  በህዝቦች መካከል ተፈጥሮ የነበረውን ቅራኔ  በዘላቂነት ማስወገድ እንደሚገባ የጋራ የሰላምና የልማት ማስተባበሪያ ፅህፈት ቤት ምክትል ሃላፊ  ኮማንደር ወርቁ ገልጸዋል።

በተጨማሪም በህዝቦቹ መካከል አስተማማኝ ሰላምና ጤናማ ግንኙነት በመፍጠር የፀረ-ሰላም ሃይሎችን እንቅስቃሴ በማክሸፍና ማህበረሰቡን መልሶ በማቋቋም ጽኑ መሰረት መጣል  እንደሚገባም ጠቁመዋል ።

በፕሮግራሙ  በወለጋ ዩኒቨርስቲ ምሁራን አማካይነት  የሰላም ዋጋ የሚል በሁለቱ ህዝቦች ግንኙነት ላይ  ያተኮረ ጥናታዊ ፅሁፍ  በማቅረብ  በሃሳቦቹ  ዙሪያ  ውይይት ተደርጓል።

በመጨረሻም የሁለቱ ክልል ተወካዮች የባህላዊ እርቅ ስነ ርዓቱ በሀገር ሽማግሌዎችና አባገዳዎች የምርቃት ስነ ስርዓት በተሳካ ሁኔታ መጠናቀቁን የቤኒሻንጉል ጉሙዝ ክልል  የሠላም ግንባታ እና የፀጥታ ቢሮ  አስታውቋል።

You might also like
Comments
Loading...