Fana: At a Speed of Life!

በኢትዮጵያ ፕሪምየር ሊግ ስድስት ተስተካካይ ጨዋታዎች ነገና ከነገ በስቲያ ይካሄዳሉ

አዲስ አበባ፣ጥር 28፣አዲስ አበባ፣2011 (ኤፍ.ቢ.ሲ) በኢትየጵያ ፕሪምየር ሊግ በተለያዩ ምክንያቶች ያልተካሄዱ  ስድስት ተስተካካይ ጨዋታዎች ነገና ከነገ በስቲያ ቀጥለው ይካሄዳሉ።

በነገው ዕለት ሶስት ተስተካካይ ጨዋታዎች በክልል ከተሞችና በአዲስ አበባ ይከናወናሉ።

በዚህ መሰረት አዳማ ከተማ ቅዱስ ጊዮርጊስን በአዳማ አበበ ቢቂላ ስታዲየም 9 ሰዓት ላይ ያስተናግዳል።

ደደቢትን  ከመከላከያ የሚያገናኘው ሌላኛው ጨዋታ 9 ሰዓት ላይ በትግራይ ስታዲየም የሚካሄድ ሲሆን፥ ወላይታ ድቻ ከሲዳማ ቡና ደግሞ በአዲስ አበባ ስታዲም 11 ሰዓት ላይ ይጫወታሉ።

ከነገ በስቲያ የሚካሄዱ ሶስት ጨዋታዎች ደግሞ በክልል ከተሞች በተመሳሳይ 9 ሰዓት ላይ የሚከናወኑ ይሆናል ።

ባህርዳር ከተማ ስሑል ሽረን በባህርዳር ዓለም አቀፍ ስታዲየም ሲያስተናግድ ፥መቐለ 70 እንደርታ  ፋሲል ከነማን የሚያስተናግድበት ሌላኛው ጨዋታ  በትግራይ ስታዲየም የሚካሄድ ይሆናል።

በተጨማሪም ጅማ አባ ጅፋር ድሬዳዋ ከተማን በጅማ ስታዲየም የሚያስተናግድ መሆኑን የኢትዮጵያ እግር ኳስ ፌዴሬሽን ያወጣው መርሃ ግብር ያሳያል።

You might also like
Comments
Loading...