Fana: At a Speed of Life!

በአሜሪካ ያለሀኪም ትዕዛዝ ከሚወሰዱ መድሃኒቶች ጋር በተያያዘ የሚሞቱ ሰዎች ቁጥር እየጨመረ ነው- ጥናት

አዲስ አበባ፣ የካቲት 19፣ 2011 (ኤፍ.ቢ.ሲ) በአሜሪካ ያለሀኪም ትዕዛዝ ከመጠን በላይ ከሚወሰዱ መድሀኒቶች ጋር በተያያዘ የሚሞቱ ሰዎች ቁጥር እየጨመረ መምጣቱን እንድ ጥናት አመለከተ፡፡

ባለፉት ሁለት አስርት አመታት በሀገሪቱ ያለሀኪም ትዕዛዝ በቤት ውስጥ ከመጠን በላይ ከሚወሰዱ መድሀኒቶች ጋር በተያያዘ የሚሞቱት ሰዎች ቁጥር በአራት እጥፍ መጨመሩን በአሜሪካ የህዝብ ቆጠራና ብሄራዊ የጤና ስታስቲክስ በተሰበሰበ መረጃ ላይ የስታንፎርድ ዩኒቨርሲቲ ተመራማሪዎች ባደረጉት ጥናት ይፍ አድርገዋል፡፡

ችግሩ ከተስፋፋባቸው የሀገሪቱ አካባቢዎች መካካል ኮነቲከት፣ ኢሊኖይ፣ ኢንዲያና፣ ማሳቹሴት፣ ሜሪ ላንድ ፣ ሜይን ፣ ኒው ህምሻየርና ኦሃዮ ተጠቅሰዋል፡፡

በተለይም በኮሎምቢያ አካባቢ ከአውሮፓውያኑ 2013 ጀምሮ ችግሩ በየአመቱ በሶስት እጥፍ  ጭማሪ ሲያሳይ፣ በፍሎሪዳና ፔንስልቬንያ ግን በየሁለት ዓመቱ በሁለት እጥፍ  ጭማሪ መታየቱ ነው የተገለጸው፡፡

ይህ ችግር ዝቅተኛ ገቢ ባላቸውና የገጠር አካባቢዎች የጎላ መሆኑ  የተገለጸ ሲሆን÷ መድሀኒቶችን ያለሀኪም ትዕዛዝ መውሰዱ የሚያስከትለውን ችግር ካለመገንዘብ የተከሰተነው ተብሏል፡፡

በአውሮፓዊያኑ በ2016ና በ2017ዓ.ም 26 በመቶ ያህል ጥቁር አሜሪካውያን የችግሩ ተጠቂ መሆናቸውንም የአሜሪካ በሽታ መከላከልና መቆጣጠር ይፋ አድርጓል፡፡

ምንጭ፡- ዩ ፒ አይ

You might also like
Comments
Loading...