Fana: At a Speed of Life!

በናይጄሪያ ምርጫ ጽህፈት ቤት ላይ የደረሰ የእሳት አደጋ የምርጫ ግብዓቶችን አወደመ

አዲስ አበባ፣ የካቲት 4፣ 2011 (ኤፍ.ቢ.ሲ) በናይጀሪያ ምርጫ ጽህፈት ቤት ላይ የተከሰተ የእሳት አደጋ የምርጫ ግብዓቶችን አወደመ ፡፡

በናይጀሪያ የምርጫ ጽህፈት ቤት ላይ የእሳት አደጋው የደረሰው በሀገሪቱ ሊካሄድ የታቀደው ፕሬዚዳንታዊ ምርጫ ስድስት ቀናት ሲቀሩት  ነው ተብሏል፡፡

በእሳት አደጋው የድምጽ መስጫ ወረቀቶችና ኮረጆዎች መውደማቸው ተነግሯል፡፡

ፕሬዚዳንት ሙሃማዱ ቡሃሪ ምርጫው ላይ ችግሮች እንዳይፈጠሩ ባሳለፍነው እሁድ ማስጠንቀቂያ ሰጥተው የነበረ መሆኑም ነው የተገለጸው፡፡

ከምርጫው ግብዓቶች ግዥ ጋር በተያያዘ የገንዘብ ማሸሸ ድርጊት እንደተፈፀመ የሀገሪቱ የፋይናንስና ኢኮኖሚ ወንጀሎች ኮሚሽን ጥርጣሬ እንዳለው መግለጹም ተነግሯል።

84 ሚሊየን ዜጎች ድምጽ ለመስጠት በተመዘገቡበት በዚህ ፕሬዚዳንታዊ ምርጫ በርካታ እጩዎች የቀረቡ ቢሆንም፥ የቀድሞው ምክትል ፕሬዚዳንት አቲኩ አቡባካር የቡሃሪ ብርቱ ተፎካካሪ ይሆናሉ ተብሎ ከወዲሁ ቅድሚያ ግምት መሰጠታቸውን ዘገባው ያስረዳል።

ምንጭ፡- ቢ.ቢ.ሲ

You might also like
Comments
Loading...