Fana: At a Speed of Life!

በባህርዳርቻ ሞቶ ለተገኘው ሶርያዊው ታዳጊ በስሙ የነፍስ አድን መርከብ ተሰየመለት

አዲስ አበባ፣ የካቲት 4፣ 2011 (ኤፍ.ቢ.ሲ) ሶርያ የእርስ በእርስ ጦርነት ውስጥ ከገባችበት ወቅት ጀምሮ የጦርነት ቋንቋ ያልገባቸው በሺህ የሚቆጠሩ ህጻናት ሊሸከሙት የማይችሉት ጉዳት ደርሶባቸዋል።

ከሶርያ ተነስተው ወደ አውሮፓ በባህር ለማቋረጥ ያሰቡ በርካታ ቤተሰቦች ያለሙበት ሳይደርሱ የውሃ ሲሳይ ሆነዋል።

የእርስ በእርስ ጦርነቱን ሸሽተው ወደ አውሮፓ በማቅናት ላይ ከነበሩት መካከልም የ3 ዓመቱ አለን ኩርዲ ደግሞ አንዱ ነበር።

ሆኖም አለን ኩርዲና ቤተሰቦቹ ከጦርነቱ ራሳቸውን ማሸሸ የቻሉ ቢሆንም ከሌላኛው የውሃ ጦርነት ታዳጊውን መታደግ አልተቻላቸውም።

ከሦስት ዓመታት በፊት በባህርዳርቻ ሞቶ የተገኘው አለን፥ በፊቱ ተደፍቶ ለመታየት የበቃው የአስከሬን ምስል ዓለምን እጅግ ካስደነገጡ ጉዳዮች መካከል ዋነኛው እንደነበር ይታወሳል።

ታዲያ በትናትናው ዕለት በስፔን ማሎርካ በምትባለዋ ደሴት በስሙ የነፍስ አድን መርከብ ሰይማለታለች።

በስያሜው ስነስርዓት ላይ በአደጋው ብቻውን የቀረው የአለን አባት ተገኝቷል።

ሆኖም የአለን አባት እጅግ በተሰበረ ልብ ውስጥ ሆኖ ነበር የታየው በአዕምሮዬ የሚመላለሰው ምስል እኔና ልጄ አደጋው ሲደርስብን ልጄ እያየሁት ሲሞት ነው ብሏል።

በአለን የተሰየመችው የነፍስ አድን መርከብ የአውሮፓ ሀገራት በነፍስ አድን ስራ ላይ ለተሰማሩ መርከቦች ወደቦቻቸውን ዝግ በማድረጋቸው ምክንያት ቶሎ ስራ እንደማትጀምር ይጠበቃል።

ምናልባትም በአለን ኩርዲ የተሰየመችው መርከብ አቋማቸውን ልታስቀይር ትችላለች ወደቦቻቸውንም በድጋሚ ክፍት እንዲያደርጉ ታስችላለች ተብሎ ተስፋ ተጥሎባታል።

 

ምንጭ፦አልጀዚራ

በአብርሃም ፈቀደ

You might also like
Comments
Loading...