Fana: At a Speed of Life!

“በምሳ ሰዓት እንማማር” የመጀመሪያ ኘሮግራም ተካሄደ

አዲስ አበባ፣የካቲት15፣ 2011(ኤፍ.ቢ.ሲ) በምሳ ሰዓት እንማማር” የተሰኘውና በጤና ሚኒስቴር የተዘጋጀው የምሳ ስዓት የመማማሪያ ፕሮግራም ተካሄደ።

በኘሮግራሙ ላይ የጤና ሚኒስቴር ሚኒስትር፣ ዳይሬክተሮች፣ ረዳት ዳይሬክተሮች እና የተጠሪ ተቋማት አመራሮች ተገኝተዋል።

ፕሮግራሙ የእርስ በርስ መማማርንና መረዳዳት ባህልን ለማዳበር የሚያስችል መሆኑን የጤና ሚኒስትሩ ዶክተር አሚር አማን ተናግረዋል ።

ከዘህ ባለፈም ፕሮግራሙ ተከታታይነት ያለው የመማማሪያ መድረክ ለመፍጠር፣ የተሻለ ልምድ ካላቸው ትምህርት ለመቅሰምና በውስጥ ለውስጥ ቅንጅት አዳዲስ የመማማሪያ ባህሎችን ለመገንባት  ያስችላል ብለዋል።

በቀጣይ በሚከናወኑ የመማማሪያ መድረኮች ላይ አዳዲስ የስራና ፈጠራ ሃሣቦች ከታች ወደላይ እንዲዘልቁና ሥራዎች እንዲከናወኑ ለማስቻልም እየተሰራ መሆኑን ገልጸዋል።

በቅንጅታዊ የመማማር ሂደት መሰረት ደጋፊ የአመራር ሰጭነትን መካን፣ የስራን ውድቀትና ዕድገት ሁሌም የመገምገም ባህልን ማዳበር ሥራን በብልሃትና በአስተውሎት ለመምራት ዘወትር መዘጋጀት፣ ሁልጊዜም ማቀድና ለለውጥ ዝግጁ መሆንና የመሳሰሉትን በትኩረት መገንዘብ እንደሚገባም ሚኒስትሩ ተናግረዋል።

በኘሮግራሙ ላይ በእንግድነት ተገኝተው ንግግር ያደረጉት ዶክተር ምህረት ደበበ በበኩላቸው ሰው በሥራ ዘመኑ እየተማረ ወይም እየከሰረ እንደሚሄድ በመጠቆም ፥ የዚህ ዓይነቱ መድረክ በጤና ሚኒስቴር መዘጋጀቱ ለእርስ በርስ መማማር ትልቅ ፋይዳ አለው ነው ያሉት።

“በምሳ ሰዓት እንማማር” ” የተሰኘው የመማማሪያ መድረክ ዘወትር ሐሙስ በምሣ ሰዓት በጤና ሚኒስቴር አዳራሽ የሚከናወን ፕሮግራም መሆኑን ከጤና ጥበቃ ሚኒስቴር ያገኘነው መረጃ ያመላክታል።

በተያያዘ ዜና በ2011 ዓ.ም 700 የሚሆኑ የከንፈር እና ላንቃ መሰንጠቅ ችግር ያጋጠማቸውን ዜጎች  የህክምና አገልግሎት ለመስጠት  እየተሰራ መሆኑን የጤና ጥበቃ ሚኒስቴር አስታውቋል።

 

 

 

You might also like
Comments
Loading...