Fana: At a Speed of Life!

በህንድ ኒው ዴልሂ ሆቴል ውስጥ በደረሰ የእሳት አደጋ የ17 ሰዎች ህይወት አለፈ

አዲስ አበባ፣የካቲት 5፣2011 (ኤፍ ቢ ሲ) በህንድ ዋና ከተማ ኒው ዴልሂ ሆቴል ውስጥ በደረሰ የእሳት አደጋ የ17 ሰዎች ህይወት አለፈ።

በትናትናው ዕለት አርፒት ፓላስ በተሰኘው ሆቴል ላይ በደረሰው የእሳት አደጋ የ17 ሰዎች ህይወት ያለፈ ሲሆን ከሞቱት ሰዎች መካከል ህፃናትና እናቶች እንደሚገኙበት  የአካባቢው ፖሊስ አስታውቋል፡፡

ከዚህ ባለፈም አራት የሚሆኑ ዜጎች በእሳት አደጋው ክፉኛ መጎዳታቸው ተገልጿል።

የእሳትና ድንገተኛ አደጋ ተቆጣጣሪ ሰራተኛዎች ባደረጉት ርብርብም 35 የሚሆኑ ሰዎችን ከእሳት አደጋው መታደግ ተችሏል ነው የተባለው ።
የእሳት አደጋው መነሻ መንስኤም እየተጣራ መሆኑን ፖሊስ አስታውቋል።

በህንድ በተለያየ ጊዜ በጥንቃቄ ጉድለትና ተመሳሳይ ችግሮች ምክንያት በርካታ ድንገተኛ የእሳት አደጋዎች ይከሰታሉ።

ባሳለፍነው ታህሳስ ወር ላይ ሙምባይ ከተማ በሚገኝ ሆስፒታል ውስጥ በደረሰ የእሳት አደጋ የ6 ሰዎች ህይዎት ማለፉ ይታወሳል ።

ምንጭ ፦ሲ.ጂ.ቲ.ኤን.

You might also like
Comments
Loading...