Fana: At a Speed of Life!

በህንድ በህገ ወጥ መንገድ በተሰራጨ የአልኮል መጠጥ ከ100 በላይ ሰዎች ህይወት አለፈ

አዲስ አበባ፣ የካቲት 4፣ 2011 (ኤፍ.ቢ.ሲ) በህንድ በህገ ወጥ መንገድ በተሰራጨ የአልኮል መጠጥ ከ100 በላይ ሰዎች ህይወት አለፈ፡፡

የሀገሪቱ ፖሊስ እንዳስታወቀው፥ በህንድ ሁለት ግዛቶች በህገ ወጥ መንገድ የተሰራጨ የአልኮል መጠጥ ነው ከ100 በላይ ሰዎች ህይወት ማለፍ ምክንያት የሆነው።

ከአልኮል ስርጭቱ ጋር በተያያዘ በርካታ ሰዎች የሞቱት በኡታርክሃንድ ግዛት ሃሪድዋር ውስጥና በዚሁ አካባቢ ኡታር ፓርዴሽ በተባሉ ሁለት አካባቢዎች ነው ተብሏል፡፡

ሟቾቹ በሆድ ህምምና የመተንፈሻ አካል ችግሮች ሲሰቃዩ ከቆዩ በኋላ ሕይወታቸው ማለፉን የመገናኛ ብዙኃን ከሟቾቹ ወዳጅ ዘመዶች ያገኙት መረጃ ያመለክታል።

እንደ አውሮፓዊያኑ አቆጣጠር በ2011 ዓ.ም 172 ሰዎች በተማሳሳይ ጉዳይ ምዕራብ ቤንጋል ውስጥ መሞታቸውን ያስታወሰው ዘገባው የሟቾቹ ቁጥር ከዚህ በላይ ሊያሻቅብ እንደሚችል ጠቁሟል፡፡

በሀገሪቱ ጥራቱ ባልተረጋገጠ እና በህገ ወጥ መንገድ በአካባቢዎ በሚመረቱ የአልኮል መጠጦች በተደጋጋሚ የሰው ሕይወት እንደምያልፍ ይነገራል፡፡

ምንጭ፡- ሬውተርስ

You might also like
Comments
Loading...