Fana: At a Speed of Life!

ምክትል ጠቅላይ ሚኒስትር አቶ ደመቀ መኮንን ከሱዳኑ ፕሬዝዳንት ኦማር ሃሳን አልበሽር ጋር ተወያዩ

አዲስ አበባ፣ የካቲት 21፣ 2011 (ኤፍ.ቢ.ሲ) ምክትል ጠቅላይ ሚኒስትር አቶ ደመቀ መኮንን ከሱዳን ፕሬዝዳንት ኦማር ሃሳን አልበሽር ጋር በሁለትዮሽ ጉዳዮች ዙሪያ ተወያዩ።

በውይይታቸው ወቅትም ሁለቱን ሀገራት በንግድ፣ በመሰረተ ልማት ግንባታ፣ ኢንቨስትመንት እና በሌሎች የኢኮኖሚ ማዕቀፎች ማስተሳሰር እንደሚገባ ተስማምተዋል።

ምክትል ጠቅላይ ሚኒስትር አቶ ደመቀ በውይይቱ ላይ፥ በጠቅላይ ሚኒስትር ዶክተር አብይ አህመድ እና በፕሬዝዳንት ኦማር ሃሳን አልበሽር መካካል በተደረሰው ስምምነት መሰረት በሱዳን እስር ቤቶች የነበሩ ኢትየጵያውያን ከእስር እንዲፈቱ በመደረጉ ለሱዳን መንግስት ምስጋናቸውን አቅርበዋል።

በቀጣይ ከእስር ያልተለቀቁ ኢትየጵያውያን እንዲለቀቁ ባቀረቡት ጥያቄ መሰረት ፕሬዝዳንት ኦማር ሃሰን አልበሽር ህጋዊ ስርዓቱን ተከትሎ ተፈፃሚ እንደሚሆን አረጋግጠውላቸዋል።

በኢትየጵያ የሚገኙ 44 ሺህ የሱዳን ስደተኞች ወደ ሀገራቸው ለመመለስ ፍላጎት ያለቸውን ከሱዳን ስደተኞች ኮሚሽን ጋር በመተባበር ለመመለስ፤ ኢትዮጵያ አስፈላጊውን ድጋፍ ሁሉ እንደምታደርግ አቶ ደመቀ አረጋግጠዋል።

በመጨረሻም ሁለቱን አገራት በንግድ፣ በኢንቨስትመንት እና በኢኮኖሚ ለማስተሳስር የተመሰረቱ ኮሚቴዎች በተጠናከረ መልኩ ስራቸውን እንዲቀጥሉ ከስምምነት መድረሳቸውን ከምክትል ጠቅላይ ሚኒስትር ጽህፈት ቤት ያገኘነው መረጃ ያመለክታል።

በተያያዘ ምክትል ጠቅላይ ሚኒስትር አቶ ደመቀ መኮንን እና የሱዳን ምክትል ፕሬዚዳንት ኦስማን መሃመድ ዩሱፍ ኪቢር ጋር ለሁለቱ ሃገራት የኢኮኖሚ ትብብር ለማጠናከር የሚያግዝ የመግባቢያ ሰነድ ተፈራርመዋል።

You might also like
Comments
Loading...