Fana: At a Speed of Life!

ምክትል ከንቲባ ኢ/ር ታከለ ኡማ ከተመድ የአፍሪካ ልማት ጉዳዮች ዳይሬክተር ጋር ተወያዩ

አዲስ አበባ፣ የካቲት 4፣ 2011 (ኤፍ.ቢ.ሲ) የአዲስ አበባ ከተማ ምክትል ከንቲባ ኢንጂነር ታከለ ኡማ ከተባበሩት መንግስታት ድርጅት የአፍሪካ ልማት ጉዳዮች ዳይሬክተር አሁና ኢዛክኖዋ ኦንቼ ጋር ተወያዩ።

በውይይታቸውም ምክትል ከንቲባ ኢንጅነር ታከለ ኡማ እና የተመድ የአፍሪካ ልማት ጉዳዮች ዳይሬክተር አሁና ኢዛክኖዋ የተባበሩት መንግስታት ድርጅት የልማት ፕሮግራም አዲስ አበባ ከተማ የምታከናውናቸውን ፕሮጀክቶች በሚደግፍበት ጉዳይ ዙሪያ መክረዋል፡፡

ኢንጅነር ታከለ በመዲናዋ ስር የሰደዱ የልማትና የአረንጓዴ ልማት ችግሮችን ለመቅረፍ ዝግጁ መሆናቸውን ጠቅሰው፤ እንደ ተባበሩት መንግስታት ድርጅት የልማት ፕሮግራም ያሉ አለም አቀፍ ተቋማት ለከተማዋ ለሚያደርጉት ሁሉን አቀፍ ድጋፍ ምስጋናቸውን አቅርበዋል።

የተባበሩት መንግስታት ድርጅት የአፍሪካ ልማት ጉዳዮች ዳይሬክተር አሁና ኢዛክኖዋ ኦንቼ በበኩላቸው፥ የመንግስታቱ ድርጅት የልማት ፕሮግራም የአዲስ አበባ ከተማ የአረንጓዴ ልማት ፕሮጀክትና የሰው ኃይል በማብቃት እንደደሚያደርግ ተናግዋል፡፡

You might also like
Comments
Loading...