Fana: At a Speed of Life!

ላለፉት 20 ዓመታት ፀጉሯን ታጥባ የማታውቀው ሴት

አዲስ አበባ፣ ጥር 29፣ 2011 (ኤፍ.ቢ.ሲ) በርካታ ሰዎች ፀጉራቸውን ሳይታጠቡ ከአንድ ሳምንት በላይ መቆየት ይከብዳቸዋል።

ነገር ግን ብሪታኒያዊቷ ሴት ግን ስድስት ጫማ ገደማ የሚረዝመውን ፀጉሯን ላለፉት 20 ዓመታት አጥባው እንደማታውቅ ነው የምትናገረው።

የፀጉሯን ንፅህና ለመጠበቅም እስካሁን የምትጠቀመው ፀጉሯን በአግባቡ ማበጠር ብቻ እንደሆነም ተናግራለች።

የ32 ዓመቷ ፍራንኪይ ከሉንለይ የ13 ዓመት ታዳጊ ሆና ማሳደግ የጀመረችው ፀጉሯ በአሁኑ ወቅት በጣም መርዘሙ ነው የተነገረው።

ፍራንኪይ ከሉንለይ ፀጉሯን መታጠብ ያቆመችበትን ስትናገርም፥ ረጅሙን ጸጉሯን በምታበጥርበት ወቅት ለማድረቅ ከሚወስደው ጊዜ የተነሳ መጥላቷን ትናገራለች።

ታዲያ ይህንን የሰማች የእናቷ ጓደኛም ለምን ፀጉርሽን መታጠብ አታቆሚም የሚል ሀሳብ ስታቀርብላት በሀሳቡ ተስማምታ መታጠብ ማቆሟን ነው የገለፀችው ።

ፀጉሯን መታጠብ ባቆመችበት የመጀመሪያዎቹ ወራት ፀጉሯ ላይ የቀለም ለውጥ እና የማሳከክ ችግር አጋጥሟት እንደነበረ የምትናገረው ፍራንኪይ ከሉንለይ፥ አሁን ላይ ግን እነዛ ችግሮች ሙሉ በሙሉ ተቀርፈዋል ትላለች።

በአሁኑ ወቅትም ፀጉሯን ለማጽዳት የምታደርገው ተግባር ማበጠር ብቻ እንደሆነም ነው የተናገቸው።

 

ምንጭ፦ odditycentral.com

You might also like
Comments
Loading...