Fana: At a Speed of Life!

ጠ/ሚ ዶክተር አብይ አህመድ ከዓለም ባንክ ጊዜያዊ ፕሬዚዳንት ጋር ተወያዩ

አዲስ አበባ ፣ ጥር 15 ፣ 2011 (ኤፍ ቢ ሲ) ጠቅላይ ሚኒስትር ዶክተር አብይ አህመድ ከዓለም ባንክ ጊዜያዊ ፕሬዚዳንት ክሪስታሊና ጆርጂዬቫ ጋር ተወያዩ።

በውይይታቸው ወቅት ጠቅላይ ሚኒስትሩ የዓለም ባንክ ለኢትዮጵያ እያደረገ ያለውን ቴክኒካዊ እና የገንዘብ ድጋፍ አድንቀዋል።

ባንኩ እያደረገ ያለውን ድጋፍ አጠናክሮ እንዲቀጥልም በውይይታቸው ወቅት ጠይቀዋል።

በውይይታቸው ወቅት ወደፊት በሚተገበሩ አዳዲስ ፕሮጀክቶች ዙሪያም መክረዋል።

የዓለም ባንክ ለኢትዮጵያ የልማት አጋር ሲሆን፥ የገንዘብና የተለያዩ ቴክኒካዊ ድጋፎችን በማድረግ በኢትዮጵያ የሚካሄዱ የልማት ስራዎችን ይደግፋል።

በተያያዘም ጠቅላይ ሚኒስትር ዶክተር አብይ አህመድ ከቤልጅየሙ ጠቅላይ ሚኒስትር ቻርልስ ማይክል ጋር ተወያይተዋል።

መሪዎቹ በስዊዘርላንድ ዳቮስ እየተካሄደ ካለው የዓለም ኢኮኖሚ ጉባኤ ጎን ለጎን ነው የተወያዩት።

በውይይታቸው ወቅት በሁለትዮሽና የተለያዩ ጉዳዮች ላይ መክረዋል።

 

መረጃው የጠቅላይ ሚኒስትር ፅህፈት ቤት ነው፤

 

 

You might also like
Comments
Loading...