Fana: At a Speed of Life!

ጋና ተጨማሪ 550 ሚሊየን በርሜል የሚደርስ ነዳጅ አገኘች

አዲስ አበባ፣ ጥር 3፣ 2011 (ኤፍ.ቢ.ሲ) ምዕራብ አፍሪካዊቷ ጋና ተጨማሪ ከ450 ሚሊየን እስከ 550 ሚሊየን በርሜል የሚደርስ ነዳጅ ማግኘቷ ተገለጸ።

በፔካን አካባቢ ግኝቱን ይፋ ያደረገው የኖርዌይ ነዳጅ አሳሽና አፈላላጊ ኩባንያ ነው ተብሏል።

የሀገሪቱ መንግስትም የግኝቱን ይፋ መሆን መልካም ዜና መሆኑን ገልጿል።

በተጨማሪም ለሀገሪቱ ኢኮኖሚ መነቃቃትን እንደሚያመጣና ለማህበራዊ ፕሮጀክቶችም ተጨማሪ ድጋፍ ይሆናል ነው ያለው።

ኩባንያው ፍለጋውን ባለፈው ዓመት የጀመረ ሲሆን፥ ከግኝቱ 50 በመቶ የባለቤትነት ድርሻ አለው ተብሏል።

ጋና ከ11 ዓመታት በፊት ነዳጅ ማግኘቷን ይፋ ማድረጓ የሚታወስ ሲሆን በ2010 ወደ ምርት ገብታለች።

ወደ ምርት ከገባች በኋላም በሀገሪቱ ኢኮኖሚ እድገት ላይ የላቀ ድርሻ እያበረከተ እንደሚገኝ ተገልጿል።

 

ምንጭ፦ሲጂቲኤን

በአብርሃም ፈቀደ

You might also like
Comments
Loading...