Fana: At a Speed of Life!

የወንድ ድምፅ የማትሰማው ሴት

አዲስ አበባ፣ ጥር 3፣ 2011 (ኤፍ.ቢ.ሲ) በቻይናዋ ተወደብ ከተማ ነዋሪ የሆነችው ሴት የመስማት ችግር ያልተለመደና አነጋጋሪ ሆኗል።

ቼን በሚል የቤተሰብ መጠሪያ የተጠቀሰችው ግለሰብ የወንድ ድምጽን መስማት አትችልም ነው የተባለው።

ግለሰቧ ከዚህ ቀደም የወንድም ሆነ የሴት ድምጽን በጠራ መልኩ መስማት የምትችል ቢሆን፥ አሁን ላይ የወንዶችን ድምፅ መስማት አቁማለች።

አንድ ቀን ከእንቅልፏ ስትነቃ ከመኝታ በፊት ስትሰማው የነበረውን የፍቅረኛዋን ድምፅ መስማት ያቅታታል።

በዚህ ሁኔታ ድንጋጤ የተደናገጠችው ግለሰብ በቀጥታ ወደ ህክምና ተቋም ታመራለች፡፡

በዚህም ዶክተሮች ባደረጉት ምርመራ ያጋጠማት የመስማት ችግር በርካቶች ከሚያጋጥማቸው የመስማት ችግሮች የተለየ መሆኑን ይነግሯታል።

በተለያየ ደረጃ ለእርሷ በተደረገው ምርመራም ከፍተኛ ሞገድ ያለው ድምጽ ብቻ እንደምትሰማ ተረጋግጧል።

ይህም ማለት መስማት የምትችለው ከ0 ነጥብ 02 እስከ 16 ኪሎ ኸርዝ ሞገድ ያለው ድምፅ ነው ተብሏል፡፡

ግለሰቧ ህክምናውን የሰጧትን ሴት የህክምና ባለሙያ ድምጽ ብትሰማም በአካባቢው የነበረን ወንድ ታካሚ ድምፅ መስማት አለመቻሏ ተገልጿል።

በህክምናውም ሆነ በበሽተኞች ችግሩ እንዳለ የማይታወቅ በመሆኑ ለመመርመር አስቸጋሪ እንዳደረገው ዶክተሮች አስታውቀዋል፡፡

ይህ አይነቱ የመስማት ችግር ከ13 ሺህ ሰዎች በአንዱ ላይ የሚከሰት መሆኑን የህክምና ባለሙያዎች ይገልጻሉ።

 

ምንጭ፡-dailymail

 

You might also like
Comments
Loading...