Fana: At a Speed of Life!

የኮሌጅ ተማሪዎች ማጅራት ገትር ቢ በተባለው በሽታ የመጠቃት እድላቸው ከፍተኛ ነው – ጥናት

አዲስ አበባ፣ ታህሳስ 23፣ 2011 (ኤፍ.ቢ.ሲ) የኮሌጅ ተማሪዎች ማጅራት ገትር ቢ በተባለው በሽታ የመጠቃት እድላቸው ከፍተኛ መሆኑን አንድ ጥናት አመለከተ፡፡

ማጅራት ገትር ቢ የተባለው በሽታ አልፎ አልፎ እንደሚከሰት ቢገለጽም በአብዛኛው በኮሌጅ ተማሪዎች ላይ እንደሚከሰትና ገዳይ መሆኑ በጥናቱ ተመላክቷል፡፡

ተመራማሪዎች እንደ አውሮፓዊያኑ አቆጣጠር ከ2014 እስከ 2016 ባሉት ሶስት ዓመታት በአሜሪካ ብሄራዊ የበሽታ መከላከያ ማዕከል ባሰባሰበው መረጃ ላይ ባደረጉት ጥናት፥በሽታው እድሜያቸው ከ18 እስከ 24 በሆኑ የኮሌጅ ተማሪዎች ላይ ከሌሎች ሰዎች በሶስትና በሁለት እጥፍ ያህል ልዩነት መከሰቱ ነው የተገለጸው፡፡

የጥናቱ መሪ ጸሃፊና በአሜሪካ የበሽታ መከላከልና መቆጣጠር ማዕከል ባለሙያ ሆኑት ዶክተር ሳራህ ማባይ በሽታው አልፎ አልፎ የሚከሰት ቢሆንም አደገኛና ገዳይ ነው ብለዋል፡፡

የኮሌጅ ተማሪዎች በአንድ አካባቢ ተጠጋግተው እንደመኖራቸው መጠን በሽታው ከአንዱ ወደ አንዱ በቀላሉ ሊተላለፍ የሚችል ሲሆን÷ ክትባት መውሰድ እንዳለባቸው ተመላክቷል፡፡

ምንጭ፡- ዩፒአይ ዶትኮም

You might also like
Comments
Loading...