Fana: At a Speed of Life!

የኦሮሚያ የቡና ኢንዱስትሪ ማህበር ተቋቋመ

አዲስ አበባ፣ ጥር 7፣ 2011 (ኤፍ.ቢ.ሲ) የኦሮሚያ የቡና ኢንዱስትሪ ማህበር በይፋ ተቋቋመ።

የማህበሩ የመስረታ መርሃ ግብርም በዛሬው እለት አባ ገዳዎች፣ የማህበሩ መስራቾች እና አባላት እንዲሁም ከፍተኛ የመንግስት የስራ ሀላፊዎች በተገኙበት በኦሮሞ ባህል ማእከል ተካሂዷል።

የማህበሩ መስራች አባል እና የኦሮሚያ የቡና ላኪዎች ማህበር ፕሬዚዳንት አቶ ፈጠነ የኋላእሸት እንደተናገሩት፥ የኦሮሚያ የቡና ኢንዱስትሪ ማህበር በ90 ሚሊየን ብር ካፒታል ነው የተቋቋመው።

የማህበሩን ካፒታልም ወደ 1 ነጥብ 5 ቢሊየን ብር ከፍ ለማድረግ እንደሚሰራም አቶ ፈጠነ የኋላእሸት ተናግረዋል።

የኦሮሚያ የቡና ኢንዱስትሪ ማህበርን በቡና ዘርፍ የተሰማሩ አርሶ አደሮች፣ አዘጋጆች እና አቅራቢዎች ናቸው ያቋቋሙት።

የማህበሩ ዓላማም በገበያ ውስጥ የሚስተዋለውን ችግር መቅረፍ እንዲሁም በቡና ዘርፍ የተሰማሩ አርሶ አደሮች፣ አዘጋጆች እና አቅራቢዎችን በቡና ገበያ ተጠቃሚ ማድረግ ነው።

You might also like
Comments
Loading...