Fana: At a Speed of Life!

የኢትዮጵያ የታህሳስ ወር የዋጋ ግሽበት 10 ነጥብ 4 በመቶ ሆኖ ተመዘገበ

አዲስ አበባ፣ ጥር 03፣ 2011 (ኤፍ.ቢ.ሲ) የኢትዮጵያ የታህሳስ ወር የዋጋ ግሽበት 10 ነጥብ 4 በመቶ ሆኖ መመዝገቡን የማዕከላዊ ስታቲስቲክ ኤጀንሲ አስታወቀ።

የዋጋ ግሽበቱ በምግብ እና ምግብ ነክ ምርቶች 9 ነጥብ 1 እንዲሁም ምግብ ነክ ባልሆኑ እቃዎችና አገልግሎቶች 11 ነጥብ 4 ሲሆን፥ በአጠቃላይ 10 ነጥብ 4 ሆኖ መመዝገቡን ኤጀንሲው ገልጿል።

ኢኮኖሚያቸውን በሚገባ መቆጣጠር በሚችሉ ያደጉ ሃገራት የዋጋ ግሽበት በአብዛኛው ከ2 እስከ 5 በመቶ እንደሆነና ይህም ተመራጭ መሆኑን የዘርፉ ባለሙያዎች ያስቀምጣሉ።

ከዚህ አኳያ በኢትዮጵያ የተስተዋለው የዋጋ ግሽበት ከፍተኛ ቢሆንም ከ5 አመታት በፊት ከነበረበት ከፍተኛ መጠን ያለው ግሽበት አንፃር ኢኮኖሚውን በከፋ ሁኔታ የሚጎዳ አለመሆኑን ነው የኤጀንሲው ምክትል ዋና ዳይሬክተር አቶ አማረ ለገሰ የገለፁት።

ኤጀንሲው የሸማቾች ዋጋ መመዘኛ ኢንዴክስ መነሻ ዓመትም ከ2004 ወደ 2009 እንዲሆን አድርጓል።

የመነሻ አመቱን መቀየር ያስፈለገው አሁን ያለውን የገበያ ዋጋና የምርት ተለዋዋጭነት ከግምት ውስጥ በማስገባት መሆኑም ነው የተመለከተው።

 

በሶዶ ለማ

You might also like
Comments
Loading...