Fana: At a Speed of Life!

የኢትዮጵያ ንግድ ባንክ በሀገሪቱ የመጀመሪያ የሆነውን ዲጂታል የሞባይል ገንዘብ ማስተላለፊያ አገልግሎት ጀመረ

አዲስ አበባ፣ጥር 07፣2011 (ኤፍ ቢ ሲ) የኢትዮጵያ ንግድ ባንክ በሀገሪቱ የመጀመሪያ የሆነውን ዲጂታል  የሞባይል ገንዘብ ማስተላለፊያ አገልግሎት   መስጠት ጀመረ።

ድርጂቱ   ወርልድ ሪሚት ከተሠኘው  ዓለም አቀፍ ተቋም ጋር  በመተባበር በኢትዮጵያ የመጀመሪያ የሆነውን ዲጂታል ዓለም አቀፍ የገንዘብ ማስተላለፊያ አገልግሎት  መጀመሩን አስታውቋል።

አዲሱ አገልግሎት በተንቀሳቃሽ ስልክ አማካኝነት በሚሊየን የሚቆጠሩ የንግድ ባንክ ደንበኞችን ተጠቃሚ የሚያደርግ መሆኑን የኢትዮጵያ ንግድ ባንክ ፕሬዚዳንት  አቶ ባጫ ጊና ተናግረዋል።

አገልግሎቱ በ50 ሀገራት ውስጥ የሚኖሩ ኢትዮጵውያን 1 ነጥብ 2 ለሚሆኑ የሲቢኢ ብር አግልግሎት ተጠቃሚ ለሆኑ ደንበኞች እና የባንኩ ደንበኛ ላልሆኑት ደግሞ በፈለጉት ስልክ ቁጥር አማካኝነት ገንዘብ ለማስተላለፍ ያስችላቸዋል።

በተጨማሪም የአገልግሎቱ ተጠቃሚዎች  ከ20 ሚሊየን በላይ ለሆኑ  የኢትዮጵያ ንግድ ባንክ ደንበኞቹ በከፈቱት የሒሳብ ቁጥር አማካይነት ገንዘባቸውን በፍጥነት ና በቀላሉ ለማስተላለፍ  ያስችላል ነው የተባለው።

በተለይም አገልግሎቱ በሀገር ውስት ከባንክ ቅርንጫፎች ርቀው የሚገኙ  ደንበኞች ከውጭ ሀገር የሚላክላቸውም ገንዘብ የሲቢኢ ብር  አገልግሎትን በመጠቀም  በቀጥታ ለመውሰድ ሚያስችል መሆኑ ነው የተገለፀው።

ደንበኞች ከውጭ ሀገር የተላከላቸውን ገንዘብም ከአካባቢያቸው ከሚገኙ ወኪሎች አሊያም በሁሉም የንግድ ባንክ ቅርንጫፎች በመሄድ መውሰድ የሚችሉ መሆኑ ተገልጿል።

የወርልድ ሪሚት የምስራቅና ማዕከላዊ አፍሪካ ሃላፊ የሆኑት ሻሮን ኪንያን ጁይ በበኩላቸው በኢትጵጵያ ግዙፍ ከሆነው ባንክ  ጋር  ዓለም አቀፍ የሆነውን ዲጅታል የገንዘብ ማስተላለፊያ  አግልግሎት መስጠት  በመጀመራቸው መደሰታቸውን ገልፀዋል።

ኢትዮጵያ ቁልፍ  የወርልድ ሪሚት  የገበያ መዳረሻ መሆኗን የተቀሱት ሃላፊዋ ከውጭ ሀገር የሚገኙ ኢትጵያውን  ለወዳጅ ዘመዶቻቸው የሚልኩትን ገንዘብ ፈጣንና አስተማማኝ በሆነ መንገድ እንዲደርስ አግልግሎቱ ከፍተኛ አስተዋፅኦ  ያለው መሆኑን ተናግረዋል።

 

 

 

You might also like
Comments
Loading...