Fana: At a Speed of Life!

የአዴፓ ስራ አስፈፃሚ ኮሚቴ ለሁለት ቀናት ሲያካሂድ የቆየውን ስብሰባ የተለያዩ ውሳኔዎችን በማሳለፍ አጠናቀቀ

አዲስ አበባ፣ ጥር 2፣ 2011 (ኤፍ.ቢ.ሲ) የአዴፓ ስራአስፈፃሚ ኮሚቴ ለሁለት ቀናት በአዲስ አበባ ከተማ ሲያካሂድ የቆየውን ስብሰባ የተለያዩ ውሳኔዎችን በማሳለፍ አጠናቀቀ፡፡

ስራ አስፈፃሚ ኮሚቴው በክልሉ የህግ የበላይነት ተረጋግጦ ሰላምና መረጋጋት በማስፈን በኩል መስራት አለባቸው ተብሎ የተማነባቸውን ጉዳዮች በመወያየት ውሳኔ ማሳለፉን የማእከላዊ ኮሚቴው ፅህፈት ቤት አስታውቋል።

ከዚህ በተጨማሪም ከተፎካካሪ ፓርቲዎች ጋር እንዴት በጋራ መስራት እንደሚቻል በዝርዝር በመወያየት አቅጣጫ አስቀምጧል፡፡

ስራ አስፈፃሚው እንደሀገር ሰላምና መረጋጋት በሚፈጠርባቸው ጉዳዮች ላይም ፓርቲው ያለውን አሰተዋፅኦ አጠናከሮ ስለሚቀጥልበት ሁኔታም መክሯል፡፡

በክልሉ ህዝቦች ላይ የሚስተዋለው መፈናቀል በማያዳግም ሁኔታ ችግሩን ከሚመለከታቸው አካላት ጋር በመሆን ለመፍታት የሚያስችል አቅጣጫ በማስቀመጥም ውይይቱን ማጠናቀቁ ነው የተመለከተው።

You might also like
Comments
Loading...