Fana: At a Speed of Life!

የአየርላንዱ ጠቅላይ ሚኒስትር ሊዮ ቫራድካር በትግራይ ክልል ጉብኝት በማድረግ ላይ ናቸው

አዲስ አበባ፣ ጥር 2፣ 2011 (ኤፍ.ቢ.ሲ) የአየርላንዱ ጠቅላይ ሚኒስትር ሊዮ ቫራድካር በትግራይ ክልል ጉብኝት ለማድረግ ዛሬ አክሱም ገብተዋል።

ጠቅላይ ሚኒስትሩ አክሱም ሲደርሱ የክልሉ ምክትል ርእሰ መስተዳድር እና ከተማ ልማትና ኢንዱስትሪ ቢሮ ሀላፊ ዶክተር አብረሃም ተከስተን ጨምሮ ከፍተኛ የክልሉ መንግስት ባለስልጣናት አቀባበል አድርገውላቸዋል።

ጠቅላይ ሚኒስትሩ በትግራይ ክልል ቆይታቸው በዓየርላንድ መንግስት የገንዘብ ድጋፍ እየተከናወኑ ያሉ የልማት ስራዎችን ተዘዋውረው ይጊበኛሉ ተብሎ ነው የሚጠበቀው።

በተጨማሪም በሽረ እንደስላሴ የሚገኝ የስደተኛ ጣቢያንም ይጎበኛሉ ተብሎ ነው የሚጠበቀው።

የአየርላንዱ ጠቅላይ ሚኒስትር ሊዮ ቫራድካር ዛሬ ጠዋት ላይም ወደ አማራ ክልል በማቅናት ላሊበላን ጎብኝተዋል።

ጠቅላይ ሚኒስትር ላሊበላ ሲገቡ የባህልና ቱሪዝም ሚኒስትር ዶክተር ሂሩት ካሳው አቀባበል አድርገውላቸዋል፡፡

አየርላንድ ቅርሶችን ለመጠበቅና እና የገጠር ቱሪዝምን ለማበረታታት 1 ቢሊየን ብር መመደበም ነው የተነገረው።

 

በአብዱ ካህሳይ

You might also like
Comments
Loading...