Fana: At a Speed of Life!

የአየርላንዱ ጠቅላይ ሚኒስትር በትግራይ ክልል የተለያዩ አካባቢዎች የሚገኙ የልማት ስራዎችን ጎበኙ

አዲስ አበባ፣ ጥር 3፣ 2011 (ኤፍ.ቢ.ሲ) የአየርላንዱ ጠቅላይ ሚኒስትር ሊዮ ቫራድካር በትግራይ ክልል የተለያዩ አካባቢዎች የሚገኙ የልማት ስራዎችን ጎበኙ፡፡

በአየርላንዱ ጠቅላይ ሚኒስትር ሊዮ ቫራድካር የሚመራው ልዑክ÷ በትግራይ ክልል የሚገኙና በአየርላንድ ልማት ተራድኦ (አይሪሽ ኤድ) ድጋፍ የተሰሩ የልማት ስራዎችን ጎብኝቷል፡፡

በማዕከላዊ ትግራይ ዞን ውቕሮ ማራይ ወረዳ የሚገኝ የእንስሳት ህክምና ማዕከል፣ በታሕታይ ማይጨው ወረዳ የሚገኝ ትምህርት ቤት፣ ጤና ጣቢያ፣ የዶሮ፣ በግና ፍየል እርባታ ማዕከል በትናንትናው ዕለት ልዑኩ የጎበኛቸው የልማት ስራዎች ናቸው፡፡

ውቕሮ ማራይ ወረዳ የሚገኘው የእንስሳት ህክምና ማዕከል በአይሪሽ ኤድ 1 ነጥብ 2 ሚሊየን ብር ድጋፍና ከአካካባው ማህብረሰብ በተዋጣ ግማሽ ሚሊየን ብር የተገነባ ሲሆን÷ ከ200 ሺህ በላይ እንስሳት የህክምና አገልግሎት መስጠት የሚችል ነው ተብሏል፡፡

አይሪሽ ኤድ በኣካበቢው በትምህርት፣ ጤና፣ የመስኖ ልማት፣ የእንስሳት ህክምና እና እርባታ ዙሪያ ከ1994 ዓ.ም ጀምሮ በየዓመቱ ከ25 ሚሊየን ብር በላይ ድጋፍ እንደሚያደርግ ተነግሯል፡፡

ፕሮጀክቱ በ13 ወረዳዎችና 52 ቀበሌዎች ላይ ተግባራዊ የተደረገ ሲሆን÷ የማህበረሰቡን የማህበራዊና ኢኮኖሚያዊ ችግሮች በመፍታት ከፍተኛ አስተዋስኦ እንዳለው ተገልጿል፡፡

በዛሬው ዕለትም ልዑኩ በሰሜን ምዕራብ ትግራይ አካባቢ የሚገኘውን ማይዓይኒ የስደተኞች ጣቢያና በታሕታይ ቆራሮ ወረዳ የሚገኙ የተለያዩ የልማት ስራዎችን ይጎበኛል ተብሎ ይጠበቃል፡፡

በአብዱ ካሕሳይ

You might also like
Comments
Loading...