Fana: At a Speed of Life!

የናሳ ሳይንቲስቶች ከመሬት ሶስት ዕጥፍ የሚበልጥ አዲስ ፕላኔታ ማግኘታቸውን አስታወቁ

አዲስ አበባ፣ጥር 02፣2011 (ኤፍ ቢ ሲ) የናሳ ተመራማሪዎች በዓይነቱ ልዩ የሆነና  ከመሬት ሶስት ዕጥፍ የሚበልጥ አዲስ ፕላኔት ማግኘታቸውን አስታወቁ።

ተመራማሪዎች ”HD 21749”  ብለው የሰየሙትን  አዲስ ፕላኔት ያገኙት የናሳ ልዩ የሆነውን ቴስ የተባለውን የሳተላይት ቴሌስኮፕ በመጠቀም ነው ተብሏል።

አዲሱ ፕላኔት  በክብደቱ ከመሬት በ23 ዕጥፍ የሚበልጥ ሲሆን በስፋቷ ደግሞ ከመሬት በሶስት ዕጥፍ ይረዝማል።

እንደ ናሳ የህዋ ተመራማሪዎች መረጃ ከሆነ አዲሱ ፕላኔት  ከከዋክብቶቹ  አንፃር ለሰው ልጆች መኖሪያነት ምቹ ልትሆን እንደምትችል ጠቁመዋል ።

ከዚህ ባለፈም  ፕላኔቱ  በተለያዩ ጋዞች የበለፀገ ሊሆን እንደሚል የገለፁት  የህዋ ባለሙያዎች  በፕላኔቷ ላይ ህይወት ሊኖር እንደሚችልም  አንስተዋል።

በመቀጠልም አዲሱን ፕላኔት በተመለከተ  አዳዲስ ግኝቶችን ለማወቅ ጥልቅ የሆነ ምርምር የሚካሄድ መሆኑን ናሳ አስታውቋል።

 

ምንጭ ፦ዴይሊ ሜል

 

 

You might also like
Comments
Loading...