Fana: At a Speed of Life!

የባህር ዳር ከተማ አስተዳደር በ910 ሚሊየን ብር ወጪ የአስፓልትና የጌጠኛ መንገድ ግንባታ ጀመረ

አዲስ አበባ፣ ጥር 3፣ 2011 (ኤፍ.ቢ.ሲ) የባህር ዳር ከተማ አስተዳደር በ910 ሚሊየን ብር ወጪ የአስፓልትና የጌጠኛ መንገድ ግንባታ ጀመረ፡፡

የባህርዳር ከተማ አስተዳደር ከንቲባ አቶ ሙሉቀን አየሁ ዛሬ በሰጡት መግለጫ በከተማዋ ስድስት ክፍለ ከተሞች የአስፓልትና ጌጠኛ መንገድ ግንባታ ስራ መጀመሩን ተናግረዋል፡፡

በዚህም በ430 ሚሊየን ብር 9 ነጥብ 3 ኪሎ ሜትር የጌጠኛ መንገድ ግንባታና በ480 ሚሊየን ብር ደግሞ 7 ነጥብ 4 ኪሎ ሜትር የአስፓልት መንገድ ግንባታ መጀመሩን ነው ከንቲባው የገለጹት፡፡

የጌጠኛ መንገዱ ከ2 እስከ 3 ወራት ባለው ጊዜ ውስጥ የሚጠናቀቅ ሲሆን÷ የአስፓልት መንገድ ግንባታ ስራው በ2 ዓመት ከ4 ወራት ይጠናቀቃል ተብሎ እንደሚጠበቅም ከንቲባው ገልጸዋል።

የግንባታ ስራው ለ750 ስራ አጥ ወጣቶች የሥራ እድል የሚፈጥር ሲሆን÷ ከፍተኛ ኢኮኖሚያዊያና ማህበራዊ ጠቀሜታ ይኖረዋል ነው ያሉት።

የከተማዋን ገጽታ የበለጠ በመገንባት የቱሪዝም ፍሰት እንዲጨምር በማድረግም ከዘርፉ የሚገኘውን ገቢ በማሳደግ በኩልም አስተዋጽኦ እንደሚኖረውም አንስተዋል።

በናትናኤል ጥጋቡ

You might also like
Comments
Loading...