Fana: At a Speed of Life!

የሳተላይት ምስልን በመጠቀም የነዋሪዎችን የኑሮ ደረጃ ለመረዳት እንደሚቻል ተመራማሪዎች ገለጹ

አዲስ አበባ፣ ታህሳስ 30፣ 2011 (ኤፍ.ቢ.ሲ) የሳተላይት ምስልን በመጠቀም የነዋሪዎችን የኑሮ ደረጃ ለመረዳት እንደሚቻል ተመራማሪዎች ገለጹ፡፡

ቴክኖሎጂው ወጪ ቆጣቢ ሲሆን÷ በታዳጊ ሀገራት ቅደሚያ መሰጠት ያለባቸውን ጉዳዮች ለመለየት የሚያስችል ነው ተብሏል፡፡

ለዚህም ዴንማርክ ውስጥ ሚገኘው የአረሁስ ዩንቨርሲቲ ተመራማሪዎች የኑሮ ሁኔታን በአባወራ ደረጃ ለመለየት የሚያስችል ከፍተኛ ጥራት ያለው የሳተላይት ምስል መውሰድ መቻላቸው ነው የተገለጸው፡፡

በዚሁ ቴክኖሎጂ በኬኒያ የተወሰኑ ገጠራማ አካባቢዎች ላይ በተወሰደ ናሙና ጥናት ተመራማሪዎቹ ለኑሮ ደረጃ ልዩነት መስፈርት በሆኑ በርካታ መስፈርቶች ላይ በማተኮር የነዋሪዎችን የኑሮ ደራጃ ለመለየት መቻላቸው ተነግሯል፡፡

በአርሁስ ዩኒቨርሲቲ ፕሮፌሰር የሆኑት ጃንስ ክርስቲያን ሰቭንግ እንደተናገሩት በዚሁ መንገድ ተመራማሪዎቹ የመጠለያ ሁኔታዎች፣ የለማና ያለማ መሬት መጠንን፣ የምርት ጊዜ ርዝመት ለመረዳት ችለዋል፡፡

በሳተላይት ምስል የተወሰደው መረጃ በመጠቀም ተመራማሪዎቹ የነዋሪዎቹን የኑሮ ደረጃ ለመለየት የሄዱበት ስልት መሬት ላይ ካለው ነበራዊ መረጃ ጋር ሲነፃፀር 62 በመቶ ያህል ውጤታማ ነው ተብሏል፡፡

ምንጭ፡ – ዩ ፒ አይ ዶት ኮም

You might also like
Comments
Loading...