Fana: At a Speed of Life!

ኬ ፒ አር ኩባንያ የመጀመሪያ ምርቱን ለአውሮፓ ገበያ አቀረበ  

አዲስ አበባ ፣ ጥር 20 ፣ 2011 (ኤፍ ቢ ሲ) ኬ ፒ አር ሃላፊነቱ የተወሰነ የግል ኩባንያ በመቐለ ኢንዱስትሪያል ፓርክ ያመረተውን የመጀመሪያ ምርት ለውጭ ገበያ አቀረበ።

ኩባንያው በኢንዱስትሪያል ፓርኩ ያመረተውን ምርት ለመጀመሪያ ጊዜ ለአውሮፓ ገበያ አቅርቧል።

የመቐለ ኢንዱስትሪያል ፓርክ በ100 ሄክታር መሬት ላይ ያረፈ ሲሆን፥ በውስጡም 15 ሼዶችን ይዟል።

ኬ ፒ አር ኩባንያም በኢንዱስትሪያል ፓርኩ ከተሰማሩ ኩባንያዎች መካከል አንደኛው ነው።

መቀመጫውን ህንድ ያደረገው ኬ ፒ አር ኩባንያ በጨርቃ ጨርቅና አልባሳት ዘርፍ የተሰማራ ነው።

በመቐለ ኢንዱስትሪያል ፓርክም 5 ሚሊየን ዶላር ኢንቨስት በማድረግ፥ ለ750 ሰዎች የስራ እድል ፈጥሯል።

በ100 ሚሊየን ዶላር የተገነባው ኢንዱስትሪያል ፓርኩ፥ ለበርካታ የአካባቢው ወጣቶች የስራ እድልን ፈጥሯል።

የተለያዩ የውጭ ሃገር ኩባንያዎችም በኢትዮጵያ በተገነቡ ኢንዱስትሪያል ፓርኮች በመግባት በማምረት ላይ ይገኛሉ።

ኩባንያዎቹ ወደ ፓርኮቹ መግባታቸው በውጭ ምንዛሪ፣ በቴክኖሎጅ ሽግግር እና ወደ ውጭ የሚላኩ ምርቶችን አይነትና መጠን ከመጨመር አንጻር አስተዋጽኦ እያደረጉ ይገኛል።

 

You might also like
Comments
Loading...