Fana: At a Speed of Life!

ኬንያ በመጀመሪያ ደረጃ ትምህርት ቤቶች ውስጥ መንደሪንን ማስተማር ልትጀምር ነው

አዲስ አበባ፣ ጥር 1፣ 2011 (ኤፍ.ቢ.ሲ) ኬንያ በቀጣዩ ዓመት በመጀመሪያ ደረጃ ትምህርት ቤቶቿ ውስጥ የቻይና ቋንቋ የሆነውን መንደሪንን ለማስተማር ዝግጅት መጨረሷን ይፋ አደረገች።

ሀገሪቷ ይህንን እርምጃ የወሰደችው ከቻይና ጋር የሚደረግን የንግድ ሂደቶችን ማቀላጠፍ እንዲመቻት እና በተለያዩ ጉዳዮች ላይ ተወዳዳሪ ለመሆን አስባ መሆኑን አስታውቃለች።

የሀገሪቱን ስርዓተ ትምህርት የሚቀርጸው ተቋም እንደሚለው ከሆነ የትምህርት ፕሮግራም አዘጋጅቶ ማጠናቀቁን ገልጿል።

ቋንቋውን እድሜያቸው ከ10 ዓመት ጀምሮ ያሉ የአራተኛ ክፍል ተማሪዎች  በማስተማር እንደሚጀመር ጠቅሰዋል።

የተቋሙ ኃላፊ ትምህርቱን ለመጀመር ያሰቡት መንደሪን በዓለም አቀፍ ደረጃ  የዕድገት አድማሱን እያሰፋ በመምጣቱ ነው ብለዋል።

ኬንያ መንደሪንን በትምህርት ፕሮግራሟ በማከታት ደቡብ አፍሪካን በመከተል ሁለተኛዋ የአፍሪካ ሀገር ትሆናለች ተብሏል።

ኬንያ በአሁኑ ወቅት የትምህርት ጥራትን ለማሻሻል አዲስ የስርዓተ ትምህርት ተግባራዊ ለማድረግ እንቅስቃሴ ላይ እንደምትገኝ መረጃዎች ያመለክታሉ።

 

ምንጭ፦ሲጂቲኤን

You might also like
Comments
Loading...