Fana: At a Speed of Life!

ካናዳ በሶስት ዓመታት ውስጥ ከ1 ሚሊየን በላይ ስደተኞችን ልትቀበል ነው

አዲስ አበባ፣ ጥር 03፣ 2011 (ኤፍ ቢ ሲ) ካናዳ በሚቀጥሉት ሶስት ዓመታት ከ1 ሚሊየን በላይ የሚጠጉ ስደተኞችን የመቀበል ፍላጎት እንዳላት አስታወቀች።

የሃገሪቱ የህዝብ ተወካዮች ምክር ቤት በሚቀጥሉት ሶስት ዓመታት ውስጥ ካናዳ ከ1 ሚሊየን በላይ ስደተኞችን የመቀበል እቅድ እንዳላት አስታውቋል።

ይህም ካናዳ በየዓመቱ የምትቀበላቸው የስደተኞች ቁጥር የሀገሪቱን የህዝብ ቁጥር 1 በመቶ የሚሸፍን ይሆናል።

ካናዳ በአውሮፓውያኑ 2017 286 ሺህ ለሚሆኑ ስደተኞችን የቋሚ ነዋሪነት ፈቃድ መስጠቷ ይታወሳል።

ሀገሪቱ በያዘነው ዓመት የምትቀባለቸው ስደተኞች ቁጥርም 350 ሺህ እንደሚደርስም ይጠበቃል።

በሀገር ውስጥ ያለውን የሰራተኛ ሀይል ቁጥር ማሳደግ ደግሞ ስደተኞቹን ለመቀበል ምክንያት መሆኑን፥ የሀገሪቱ የፍልሰት፣ ስደተኞችና የዜግነት ጉዳዮች ሚኒስትር ሰይድ አህመድ ሁሴን ተናግረዋል።

ስደተኞች ወደ ካናዳ ሲመጡም ሀገሪቱ መልካም የሆነ አቀባበል ታደርጋለችም ነው ያሉት ሚኒስትሩ።

እንደ ተባበሩት መንግስታት የፍልሰተኞች ድርጅት መረጃ፥ በአውሮፓውያኑ 2017 ብቻ 68 ነጥብ 5 ሚሊየን ሰዎች በተለያየ ምክንያት ከቤት ንብረታቸው ተፈናቅለዋል።

 

 

ምንጭ፦ ሲ ኤን ኤን

You might also like
Comments
Loading...