Fana: At a Speed of Life!

 ከ5 ነጥብ 5 ሚሊየን ብር በላይ የሚያወጡ  የኮንትሮባንድ ዕቃዎች በቁጥጥር ስር ዋሉ

አዲስ አበባ፣ ታህሳስ 30፣ 2011 (ኤፍ.ቢ.ሲ)  ግምታቸው ከ5 ነጥብ 5 ሚሊየን ብር በላይ የሚያወጡ  የኮንትሮባንድ ዕቃዎች በቁጥጥር ስር መዋላቸውን የጉምሩክ ኮሚሽን ጽሕፈት ቤት አስታወቀ፡፡

አራት ተሳቢ ተሽከርካሪዎች ግምታዊ ዋጋው 2 ሚሊየን ብር በላይ የሆነ ወይም  87 ሺህ 480 ሊትር የምግብ ዘይት ጭነው ወደ መቀሌ ከተማ ሊገቡ ሲሉ በህብረተሰቡ  ጥቆማ መያዛቸውን የመቀሌ ቅርንጫፍ ፅህፈት ቤት ገልጿል፡፡

በተመሳሳይ በጅግጅጋ ጉምሩክ ቅርንጫፍ ጽሕፈት ቤት  ግምታዊ ዋጋው 1 ነጥ 5 ሚሊየን ብር የሆነ 2 ሺህ ኪስ ሩዝና 1 ሺህ ኪስ ዱቄት እንዲሁም  በሌላ ተሸከርካሪ 1 ነጥብ 5 ሚሊየን ብር የሆነ የኮንትሮባንድ ዕቃ ወደ ጅግጅጋ ከተማ ለመግባት ሲሞክሩ ተይዘዋል፡፡

በጉምሩክ ሠራተኞች፣ በክልሉ እና በፌደራል ፖሊሶች ቅንጅት መያዛቸው የተገለፀ ሲሆን ሁለት ተጠርጣሪዎችም በቁጥጥር ስር መዋላቸው ተጠቁሟል፡፡

ከዚህ ባለፈ  ግምታዊ ዋጋው  ከ1 ሚሊየን  ብር በላይ የሆነ የምግብ ዘይት ወደ ጅግጅጋ ከተማ ለመግባት ጥረት ሲያደርግ በገና ዋዜማ በቁጥጥር ስር ውሏል፡፡

ከዚህ ባፈ  ግምታዊ ዋጋው  ከ1 ሚሊየን  ብር በላይ የሆነ የምግብ ዘይት ወደ ጅግጅጋ ከተማ ለመግባት ጥረት ሲያደርግ በገና ዋዜማ በቁጥጥር ስር መዋሉን ከገቢዎች ሚኒስቴር  ያገኘው መረጃ ያመለክታል፡፡

You might also like
Comments
Loading...