Fana: At a Speed of Life!

ከፊታችን የካቲት ወር ጀምሮ የኩፍኝ በሽታ መከላከያ ክትባት ሊሰጥ ነው

 

አዲስ አበባ፣ጥር 23፣2011 (ኤፍ ቢ ሲ) ከፊታችን የካቲት ወር ጀምሮ በመላ ሀገሪቱ የኩፍኝ በሽታ መከላከያ ክትባት ሊሰጥ መሆኑ ተገለፀ ።

ከፊታችን የካቲት ወር 2011 ዓ.ም ጀምሮ የኩፍኝ በሽታ መከላከያ ክትባት በሁሉም የሀገሪቱ ክፍሎች በሚገኙ የጤና ተቋማት የሚሠጥ መሆኑን የጤና ሚኒስቴር አስታውቋል።

በጤና ሚኒስቴር የክትባት ባለሙያው አቶ ጌትነት ባዬ ለሁለተኛ ጊዜ የሚሰጠው የኩፍኝ በሽታ መከላከያ ክትባት ህፃናት በሽታውን የመከላከል አቅማቸው እንዲጨምር ብሎም በሌላ በሽታ እንዳይያዙ እና ጤነኛ እንዲሆኑ የሚያግዝ መሆኑን ገልፀዋል፡፡

ከዚህ ባለፈም የኩፍኝ በሽታን ሙሉ በሙሉ በሀገር አቀፍ ደረጃ ለማጥፋት የተያዘውን ዘመቻ ውጤታማ ለማድረግ የክትባት መርሀ ግብሩ ከፍተኛ አስተዋጽዖ ያደርጋል ብለዋል።

የኩፍኝ በሽታ ህፃናትን ለሞት የሚዳርግ ብሎም ለከፍተኛ የአካል ጉዳት የሚያደርስ በሽታ ነው።

በመሆኑም ወላጆች ወይም አሳዳጊዎች ህፃናት እድሜያቸው አንድ ዓመት ከ3 ወር ሲሞላቸው ጀምሮ በአቅራቢያቸው በሚገኝ ጤና ተቋም በመሄድ የኩፍኝ ክትባቱን በማስከተብ ህፃናትን ከበሽታው እንዲታደጓቸው ጥሪ ቀርቧል።

You might also like
Comments
Loading...