Fana: At a Speed of Life!

ከኢቦላ ጋር ተመሳሳይነት ያለው ቫይረስ ቻይና ውስጥ ተገኘ

አዲስ አበባ፣ ታህሳስ 30፣ 2011 (ኤፍ.ቢ.ሲ) ከኢቦላ ጋር ተመሳሳይነት ያለው ቫይረስ ቻይና ውስጥ ተገኘ፡፡

ቫይረሱ በሰው ልጅ ሰውነት ውስጥ ከገባ አደገኛ በሽታ እንደሚያስከትል በጥናት የተረጋገጠ ሲሆን÷ ሮውሰተስ በተባሉት የሌሊት ወፍ ዝርያዎች ላይ ቻይና ዩናን ግዛት ውስጥ መገኘቱ ተነግሯል፡፡

በተለያዩ ጂኦግራፊያዊ አካባቢዎች ሊኖር እንደሚችል የተነገረለት ይህ ቫይረስ ከሌሎች ቨይረሶች ጋር እስከ 32 በመቶ ያህል ተመሳሳይነት እንዳለው ነው የተገለጸው፡፡

በአረባብ በህሪውም ከኢቦላና ማርቡርግ ከተባለው ቫይረስ ጋር ተመሳሳይነት እንዳለው ታውቋል፡፡

አዲሱን ቫይረስ በሌሊት ወፍ ውስጥ እንዳለ ያረጋገጡት ፕሮፌሰር ዋንግ የተባሉ ቻይናአዊ ፕሮፌሰር ሲሆኑ÷በዘረፉ ሰፊ ጥናቶችን በማድረግ የሚታወቁ ናቸው ተብሏል፡፡

የቫይረሱ ግኝት ተላላፊ በሽታዎች ከመከሰታቸው በፊት ለመከላከል የሚስችል መሆኑም ነው በዘገባው የተገለጸው፡፡

ይህ ቫይረስ ሮውሰተስ ከተባሉት የሌሊት ወፍ ዝርያዎች ውጭ በሌሎች የሌሊት ወፎች ላይ ሊራባ መቻል አለመቻሉን ሌሎች ጥናቶች የማድረግ እቅድ መኖሩን ተመራማሪዎቹ ተናገረዋል፡፡

ምንጭ፡ – ዩ ፒ አይ ዶት ኮም

You might also like
Comments
Loading...