Fana: At a Speed of Life!

ኢንጂነር አይሻ መሀመድ ከጅቡቲው ፕሬዚዳንት ኢስማኤል ኦማር ጊሌ ጋር ተወያዩ

አዲስ አበባ፣ ጥር 3፣ 2011 (ኤፍ ቢ ሲ) የኢፌዴሪ መከላከያ ሚኒስትር ኢንጂነር አይሻ መሀመድ ከጅቡቲው ፕሬዚዳንት ኢስማኤል ኦማር ጊሌ ጋር ተወያዩ።

በሚኒስትሯ የተመራ ልዑክ በትናንትናው ዕለት ከፕሬዚዳንቱ ጋው ተወያይቷል።

የሁለቱ ሀገራት ህዝቦች ዘመን የማይሽረው ወዳጅነት የበለጠ እየተጠናከረ እንደሚገኝ ፕሬዚዳንት ኢስማኤል ኦማር ጊሌ ተናግረዋል።

በዚህ ወቅት ኢንጂነር አይሻ ከኢፌዴሪ ጠቅላይ ሚኒስትር ዶክተር አብይ አህመድ የተላከ መልዕክት ለፕሬዚዳንቱ አድርሰዋል።

ጠቅላይ ሚኒስትር ዶክተር አብይ አህመድ በመልዕክታቸው የሁለቱ ሃገራት ግንኙነት የህዝቦቻቸውን ጥቅምና ፍላጎት መሰረት በማድረግ ወደ ላቀ ደረጃ መሸጋገሩን ጠቅሰዋል።

ከዚህ ባለፈም ሁለቱ ሀገራት የተስማሙባቸው የልማት ውጥኖች ተግባራዊ ይሆኑ ዘንድ በጋራና በትብብር የሚሰሩ መሆኑንም አንስተዋል።

የጅቡቲው ፕሬዚዳንት ኢስማኤል ኦማር ጊሌ በበኩላቸው፥ የሁለቱ ሀገራት ግንኙነት ለአፍሪካ ቀንድና ለአህጉሪቱ ተምሳሌት መሆኑን ነው የተናገሩት ።

ይህ ወንድማዊ ግንኙነት ተጠናክሮ እንዲቀጥል መንግስታቸው ቁርጠኛ መሆኑንም አረጋግጠዋል።

ልዑኩ ከሁለትዮሽ ግንኙነቱ መጠናከር ጎን ለጎን በአካባቢያዊ እና ዓለም አቀፋዊ ጉዳዮች ላይ ከፕሬዚዳንቱ ጋር ጠቃሚ ውይይት ማድረጉን፥ ከውጭ ጉዳይ ሚኒስቴር ቃል አቀባይ ፅህፈት ቤት ያገኘነው መረጃ ያመላክታል።

 

 

You might also like
Comments
Loading...