Fana: At a Speed of Life!

አፕል 9 ቢሊየን ዶላር ሊያጣ እንደሚችል አስታወቀ

አዲስ አበባ፣ ታህሳስ 26፣ 2011 (ኤፍ.ቢ.ሲ) የአይፎን ስልክ ተጠቃሚዎች ፍላጎት እየቀነሰ በመምጣቱ አፕል 9 ቢሊየን ዶላር ሊያጣ እንደሚችል የኩባንያው ዋና ስራ አስፈፃሚ አስታወቁ፡፡

ዋና ስራ አስፈፃሚው ቲም ኮክ በመጀመሪያው ሩብ አመት ከሚጠበቀው በታች የሆነ ገቢ ሊገኝ እንደሚችል ገልጸዋል።

አያይዘውም ከተጠበቀው በታች በተወሰኑ የአይፎን ምርቶች ላይ ብቻ ማሻሻያ መደረጉን ተናግረዋል።

የፍላጎት መቀዛቀዙ በዋናነት በቻይና መታየቱን ጠቅሰው፥ በኢኮኖሚው በበለጸጉ የተወሰኑ ሃገራትም በአይፎን ምርቶች ላይ የተደረገው ማሻሻያ በሚፈለገው ደረጃ አለመሆኑን አንስተዋል።

የአሜሪካ ዶላር ጥንካሬ፣ በአቅርቦት ላይ በኩባንያው በተፈጠረ ችግር እና በተወሰኑ ገበያዎች ላይ ያለው የኢኮኖሚ መዳከም አፕል ከፍተኛ ገቢ እንዲያጣ የሚያደርጉ ምክንያቶች ናቸው ተብሏል፡፡

ሌሎች የኩባንያው ምርቶች የ19 በመቶ እድገት በየአመቱ ማስመዝገብ ቢችሉም ዋና የአፕል ምርት የሆነው አይፎን መሆኑ ግን በኩባንያው ላይ ጉዳቱን ከፍ አድርጎታል ተብሏል፡፡

ምንጭ፡- theverge.

 

You might also like
Comments
Loading...