Fana: At a Speed of Life!

አፕል የአይፎን ስልክ የመሸጫ ዋጋ ላይ ቅናሽ ሊያደርግ መሆኑን ፍንጭ ሰጠ

አዲስ አበባ፣ ጥር 22፣ 2011 (ኤፍ.ቢ.ሲ) የአፕል ኩባንያ ሀላፊ ቲም ኩክ በተወሰኑ ስፍራዎች የአይ ፎን ስልኮች የመሸጫ ዋጋ ላይ ቅናሽ ሊደረግ ይችላል በማለት ፍንጭ መስጠታቸው ተነግሯል።

አፕል የዋጋ ማስተካከያውን የሚያደርገው እያጋጠመው ያለውን የሽያጭ ማሽቆልቆል ለማስተካከል እንደሆነም ነው የተገለፀው።

ኩባንያው የገቢው መቀነስን ከቻይና ኢኮኖሚ መቀዛቀዝ ጋር ያያያዘ ቢሆንም፥ የኩባንያው ሀላፊ ቲም ኩክ ግን ከዚህ የተለየ ሀሳብ አላቸው።

እንደ ሀላፊው ቲም ኩክ ገለጻ፥ የአፕል ገቢ እንዲቀንስ ካደረጉ ነገሮች መካከል የዋጋው መወደድ አንዱ ነው።

በተለይም በማደግ ላይ ባሉ ሀገራት ያለው የዶላር የውጭ ምንዛሬ ዋጋ የአይፎን ስልኮች ውድ አንዲሆን ማድረጉንም አንስተዋል።

የአፕል ኩባንያ በያዝነው ወር የአይፎን ስልኮችን የመሸጫ ዋጋ ላይ ማስተካከያ ማድረግ መጀመሩን የገለጹት ቱም ኩክ፥ የዋጋ ማስተካከያው በተለይም ከውጭ ምንዛሬ ጋር ተያይዞ የአይፎን ስልክ መግዛት የሚከብዳቸውን ደንበኞች ማእከል ያደረገ ነው ብለዋል።

ምንጭ፦ ቢቢሲ

You might also like
Comments
Loading...