Fana: At a Speed of Life!

የኢትዮጵያ አየር መንገድ አዲስ አበባን በመተላለፊነት ለሚጠቀሙ መንገደኞቹ የመዲናይቱን የቱሪስት መዳረሻዎች በነፃ ሊያስጎበኝ ነው

አዲስ አበባ፣ ጥር 23፣ 20111 (ኤፍቢሲ) የኢትዮጵያ አየር መንገድ አዲስ አበባን በመተላለፊያነት የሚጠቀሙ ዓለም አቀፍ መንገደኞቹን በመዲናይቱ የሚገኙ የቱሪስት መዳረሻዎችን በነፃ የማስጎብኘት ፕሮግራም በነገው ዕለት ይጀምራል።

የኢትዮዽያ አየር መንገድ ባለፈው 2017/2018 ዓመተ ምህረት በአጠቃላይ 11 ሚሊየን መንገደኞችን አስተናግዷል።

ከእነዚህ መንገደኞች ውስጥም 1 ነጥብ 5 ሚሊየን የሚሆኑት በሀገር ውስጥ በረራ የተስተናገዱ ሲሆኑ፥ 9 ነጥብ 5 ሚሊየን ገደማ የሚሆኑት ደግሞ የዓለም አቀፍ መንገደኞች ናቸው።

የኢትዮዽያ አየር መንገድ ካስትናገዳቸው 9 ነጥብ 5 ሚሊየን በላይ ዓለም አቀፍ መንገደኞች መካከል 70 በመቶ የሚሆኑት አዲስ አበባን በመተላለፊያነት ይጠቀማሉ።

ከዚህ በፊት እነዚህ ደንበኞች ቀጣዩን በረራ ለመጠበቅ ቦሌ አለም አቀፍ አውሮፕላን ማረፊያ ውስጥ እንደሚሄዱበት ሀገር ቅርበት እና ርቀት ለ6 እና 8 ሰዓታት ያህል ለመጠበቅ ይገደዳሉ።

ስለሆነም አየር መንገዱ አዲስ አበባን በመተላለፊያነት የሚጠቀሙ 70 በመቶ የሚሆኑ ደንበኞቹ ተከታዩን በራራ ለማድረግ ኤርፖርት ውስጥ የሚያሳልፉትን ሰዓት ተጠቅመው በመዲናዋ የሚገኙ የቱሪስት መዳረሻዎችን ለማስጎብኘት ከነገ ጀምሮ ተግባራዊ የሚደረግ ፕሮግራም ማዘጋጀቱ ነው የተገለፀው።

በኢትዮጵያ አየር መንገድ የኢትዮጵያን ሆሊዳይስ ኃላፊ አቶ ዘውዱ ሃይለማርያም ፕሮግራሙ አየር መንገዱ ለደንበኞቹ የሚሰጠውን አገልግሎት ደረጃ የተለየ ገጽታ በመፍጠር ስሙን እና ዝናውን ከፍ ለማድረግ የሚያስችል መሆኑን ተናግረዋል።

ከዚህ ባለፈም  እነዚህ መንገደኞች ከመጀመሪያ ጉዟቸው በኋላ ዳግም በቱሪስት መልክ ወደ ኢትዮጵያ እንዲመጡ የሚያበረታታ ነው ብለዋል።

አየር መንገዱ መንገደኞችን ያለምንም የደህንነት ስጋት ለማስጎብኘት አስፈላጊ ቅድመ ዝግጅት መደረጉንም አቶ ዘውዱ ተናግረዋል።

በስላባት ማናዬ

You might also like
Comments
Loading...