Fana: At a Speed of Life!

አሜሪካ በሶሪያ የሚገኙ ወታደሮቿን የማስወጣት ሂደት ጀመረች

አዲስ አበባ፣ ጥር 03፣ 2011 (ኤፍ ቢ ሲ) አሜሪካ በሶሪያ የሚገኙ የሰላም አስከባሪ ወታደሮቿን የማስወጣት ሂደት መጀመሯ ተገለፀ።

በሶሪያና አካባቢው የሚንቀሳቀሰውን አይ ኤስን ለመከላከል ሶሪያ የሚገኘው አሜሪካ መራሹ ጦር ከስፍራው መውጣት መጀመሩን የጦሩ ቃል አቀባይ ተናግረዋል።

ይሁን እንጅ ወታደሮቹ የሚወጡበት ቦታና ጊዜ በዘገባው አልተገለፀም።

የሶሪያ ሰብዓዊ መብት ተሟጋች ድርጅቶች በሀገሪቱ ሰሜን ምስራቅ ግዛት ሀሳኬህ አካባቢ የሚገኙ የአሜሪካ ወታደሮች ከቦታው መውጣት መጀመራቸውን ተናግረዋል።

ወታደሮቹ ከሶሪያ ምድር መውጣት የጀመሩትም ባለፈው ወር ፕሬዚዳንት ዶናልድ ትራምፕ ያስተላፉትን ውሳኔ ተከትሎ ነው ተብሏል።

የወታደሮቹ ከሶሪያ ምድር እንዲወጡ ውሳኔ መተላለፉ በአካባቢው የሚንቀሳቀሰው የሽብር ቡድን መልሶ እንዳያንሰራራ በሚል የአለም አቀፉ ማህበረሰብ አሜሪካ ውሳኔዋን በድጋሚ እንድታጤን ሲያሳስብ ቆይቷል።

አሜሪካም ከተለያዩ አካላት የደረሳትን ቅሬታ መሰረት በማድረግ የወታደሮቹን ቆይታ ወደ አራት ወር ማራዘሟን ገልፃ ነበር ።

ይሁን እንጂ ውሳኔው ከተላለፈ በኋላ የመጀመሪያ የሆኑት ወታደሮች ከሶሪያ ምድር መውጣት መጀመራቸው ነው የተገለፀው።

 

ምንጭ ፦አልጀዚራ

You might also like
Comments
Loading...